മസ്കത്ത്: രാജ്യത്ത് പ്ലാസ്റ്റിക് സഞ്ചികളുടെ ഇറക്കുമതി നിരോധിക്കുന്നു. ഇതുസംബന്ധിച്ച് വാണിജ്യ, വ്യവസായ, നിക്ഷേപ പ്രോത്സാഹന മന്ത്രാലയം സെപ്റ്റംബര് 18ന് ആണ് ഉത്തരവ് പുറപ്പെടുവിച്ചത്. ജനുവരി ഒന്നുമുതല് പ്രാബല്യത്തില് വരും. തീരുമാനം ലംഘിച്ച് കമ്ബനികള്, സ്ഥാപനങ്ങള്, വ്യക്തികള് പ്ലാസ്റ്റിക് ബാഗുകള് ഇറക്കുമതി ചെയ്യുകയാണെങ്കില് 1000 റിയാല് പിഴ ചുമത്തും. ലംഘനം ആവര്ത്തിച്ചാല് പിഴ ഇരട്ടിയാക്കുമെന്നും മന്ത്രാലയം വ്യക്തമാക്കിയിട്ടുണ്ട്.
രാജ്യത്ത് ഘട്ടംഘട്ടമായി പ്ലാസ്റ്റിക് നിരോധിക്കാനുള്ള ഒരുക്കത്തിലാണ് അധികൃതര്. ഒമാന് പരിസ്ഥിതി അതോറിറ്റിയും വാണിജ്യ വ്യവസായ മന്ത്രാലയവും ഇന്വെസ്റ്റ്മെന്റ് പ്രമോഷന് സമിതിയുമാണ് ഇതുസംബന്ധിച്ച് സഹകരിച്ച് പ്രവര്ത്തിക്കുന്നത്. ഒമാനില് കട്ടി കുറഞ്ഞ പ്ലാസ്റ്റിക് സഞ്ചികളുടെ നിരോധനം കഴിഞ്ഞവര്ഷം മുതല് വിജയകരമായി നടപ്പാക്കിയിരുന്നു.