മസ്‌കത്ത്: രാജ്യത്തിന്റെ വിവിധ മേഖലകളില്‍ അന്തരീക്ഷ താപനില കുറയുന്നതായി കാലാവസ്ഥാ നിരീക്ഷണ കേന്ദ്രം. രാജ്യത്ത് ഇരുപത്തിനാല് മണിക്കൂറിനിടയില്‍ ഏറ്റവും കുറഞ്ഞ അന്തരീക്ഷ താപനിലയാണ് ജബല്‍ ഷംസ് മലനിരകളില്‍ രേഖപ്പെടുത്തിയിട്ടുള്ളത്. പൂജ്യം ഡിഗ്രി സെല്‍ഷ്യസാണ് ജബല്‍ ഷംസ് മലനിരകളില്‍ രേഖപ്പെടുത്തിയിരിക്കുന്ന താപനില.
വടക്കുകിഴക്കന്‍ ഒമാനിലെ നഗരമായ സൈഖില്‍ 8.4 ഡിഗ്രി സെല്‍ഷ്യസാണ് ഈ കാലയളവില്‍ രേഖപ്പെടുത്തിയിരിക്കുന്നത്. ബിദിയയില്‍ 11.3 ഡിഗ്രി സെല്‍ഷ്യസ്, സമൈലില്‍ 11.7 ഡിഗ്രി സെല്‍ഷ്യസ്, നിസ്വയില്‍ 11.8 ഡിഗ്രി സെല്‍ഷ്യസ് എന്നിങ്ങനെയാണ് അന്തരീക്ഷ താപനില. മിര്‍ബാത്തിലാണ് ഒമാനിലെ ഏറ്റവും ഉയര്‍ന്ന അന്തരീക്ഷ താപനില രേഖപ്പെടുത്തിയത്. 29.8 ഡിഗ്രി സെല്‍ഷ്യസാണ് ഇവിടെ രേഖപ്പെടുത്തിയ താപനില.
