അങ്ങനെ വാട്സ്ആപ്പില് ‘വോയ്സ് നോട്ട്സ്’ സ്റ്റാറ്റസ് ആക്കുവാനുള്ള ഫീച്ചറും വന്നു. വാട്സ്ആപ്പിന്റെ ഫീച്ചര് ട്രാക്കറായ വാബീറ്റഇന്ഫോയാണ് ഇക്കാര്യം റിപ്പോര്ട്ട് ചെയ്തത്. വാട്സ്ആപ്പ് ബീറ്റയുടെ 2.23.2.8 പതിപ്പിലേക്ക് അപ്ഡേറ്റ് ചെയ്ത ആന്ഡ്രോയിഡ് ഉപയോക്താക്കള്ക്ക് പുതിയ ഫീച്ചര് ഉപയോഗിച്ച് തുടങ്ങാം. ബീറ്റാ പതിപ്പ് ഉള്ളവര് എത്രയും വേഗം വാട്ട്സ്ആപ്പ് അപ്ഡേറ്റ് ചെയ്ത് ഈ ഫീച്ചര് പരീക്ഷിക്കണം.
ടെക്സ്റ്റുകള്, വീഡിയോകള്, ഇമേജുകള് എന്നിവ സ്റ്റാറ്റസായി സ്ഥാപിക്കാനുള്ള ഓപ്ഷന് നിലവില് വാട്സ്ആപ്പിലുണ്ട്. എന്നിരുന്നാലും, ഇപ്പോള് മുതല് നിങ്ങള്ക്ക് പറയാനുള്ളത് വോയ്സ് സന്ദേശങ്ങളായി സ്റ്റാറ്റസ് അപ്ഡേറ്റ് ചെയ്യാനും കഴിയും. റെക്കോര്ഡിംഗ് സമയം 30 സെക്കന്ഡ് ആണ്.
എന്ഡ്-ടു-എന്ഡ് എന്ക്രിപ്റ്റ് ചെയ്ത നിലയില് വോയ്സ് കുറിപ്പുകള് സ്റ്റാറ്റസുകളായി പങ്കിടും. ഉപയോക്താക്കള്ക്ക് റെക്കോര്ഡ് ചെയ്ത ശബ്ദ സന്ദേശങ്ങള് റദ്ദാക്കാനും തുടര്ന്ന് അവ നീക്കം ചെയ്യാനും കഴിയും. 24 മണിക്കൂറിന് ശേഷം, മറ്റ് സ്റ്റാറ്റസുകളെപ്പോലെ വോയ്സ് കുറിപ്പുകളും അപ്രത്യക്ഷമാകും.