കുവൈത്തില് സംശയാസ്പദമായ പണമിടപാടുകള് സംബന്ധിച്ച വിവരങ്ങള് 10 ദിവസത്തിനകം റിപ്പോര്ട്ട് ചെയ്യണമെന്ന് ധനവിനിമയ സ്ഥാപനങ്ങള്ക്ക് സെന്ട്രല് ബാങ്ക് കര്ശന നിര്ദേശം നല്കി. കള്ളപ്പണം വെളുപ്പിക്കല്, ഭീകരവാദത്തിന് ധനസഹായം നല്കല് എന്നിവയ്ക്കെതിരെയുള്ള പോരാട്ടം ശക്തമാക്കുന്നതിന്റെ ഭാഗമായാണ് നടപടി.
പണമിടപടുകളില് അതീവ സൂക്ഷ്മത പാലിക്കണമെന്നും പറഞ്ഞു. കരിമ്ബട്ടികയില്പെട്ട രാജ്യങ്ങളിലേക്കു ഇടപാടു നടത്തിയവരുടെ വിവരം, കള്ളപ്പണം വെളുപ്പിക്കല്, ഭീകരവാദത്തിനു ധനസഹായം നല്കല് എന്നിങ്ങനെ 3 വര്ഷത്തിനിടെ നടന്ന സംശയാസ്പദ ഇടപാടുകളെക്കുറിച്ച് വിവരം നല്കാനും നിര്ദേശിച്ചിട്ടുണ്ട്.
ഉപഭോക്താക്കളുടെ വിവരങ്ങളില് പൊരുത്തക്കേടുണ്ടെങ്കില് ഫിനാന്ഷ്യല് ആക്ഷന് ടാസ്ക് ഫോഴ്സിനെ അറിയിക്കണം. ഉപഭോക്താക്കളുമായി നേരിട്ടു ബന്ധമില്ലാത്ത വ്യക്തികള്ക്കോ സ്ഥാപനങ്ങള്ക്കോ പണം അയയ്ക്കുന്നതിനെതിരെ കുവൈത്ത് നേരത്തെ മുന്നറിയിപ്പു നല്കിയിരുന്നു. ഇത്തരം പണമിടപാടുകളിന്മേലുള്ള പ്രത്യാഘാതം വ്യക്തി ഏറ്റെടുക്കേണ്ടിവരുമെന്നും സെന്ട്രല് ബാങ്ക് ഓര്മിപ്പിച്ചു.