സൗദി അറേബ്യയും ഒമാനും സംയുക്തമായി റിയാദില്‍ സംഘടിപ്പിക്കുന്ന വ്യാപാര പ്രദര്‍ശനം ശനിയാഴ്ച സമാപിക്കും. ഇരു രാജ്യങ്ങളിലെയും സംരംഭക സാധ്യതകള്‍ പങ്കുവെക്കലും ഉത്പന്നങ്ങള്‍ പരിചയപ്പെടുത്തലുമാണ് മേള ലക്ഷ്യം വെക്കുന്നത്.
സൗദി വാണിജ്യ മന്ത്രാലയവും ഒമാന്‍ വാണിജ്യമന്ത്രാലയവും ചേര്‍ന്നാണ് ചതുര്‍ദിന മേള ഒരുക്കിയിരിക്കുന്നത്. ബുധനാഴ്ച ആരംഭിച്ച മേളയില്‍ ഉച്ചക്ക് 12 മുതല്‍ രാത്രി 11 വരെയാണ് സന്ദര്‍ശന സമയം. റിയാദ് എക്സിറ്റ്‌ ഒമ്ബതിലെ ഗ്രനഡ സ്‌ക്വയറിലെ ദി അറീന അവന്യൂവിലാണ് പ്രദര്‍ശനം.സാംസ്‌കാരിക വിനിമയവും സൗഹൃദം പുതുക്കലും ഉല്‍പന്നങ്ങളുടെ പ്രദര്‍ശനവും വില്‍പനയുമാണ് മേളയില്‍ നടക്കുന്നത്.
