കുവൈത്തിലെ വഫ്ര ഏരിയയില് ആഭ്യന്തര മന്ത്രാലയത്തിന്റെ അഹമ്മദി സെക്യൂരിറ്റി ഡയറക്ടറേറ്റ് നടത്തിയ പരിശോധനയില് മദ്യനിര്മാണ കേന്ദ്രം കണ്ടെത്തി.
കേന്ദ്രം നടത്തിയ മൂന്നുപേര് അറസ്റ്റിലായി. 146 ബാരലുകള്, രണ്ടു ടാങ്കുകള്, വില്പനക്ക് തയാറായ 270 കുപ്പി മദ്യം എന്നിവ ഇവിടെനിന്ന് കണ്ടെടുത്തു. നിയമനടപടി സ്വീകരിക്കുന്നതിനായി പിടികൂടിയ വസ്തുക്കള്ക്കൊപ്പം പ്രതികളെ ബന്ധപ്പെട്ട വിഭാഗത്തിന് കൈമാറി.