കുവൈത്ത് സിറ്റി: രാജ്യത്തെ ഓരോ കുവൈത്തി കുടുംബത്തിനും ശരാശരി മൂന്ന് കാറുകള് ഉള്ളതായി റിപ്പോര്ട്ട്. പ്രവാസികുടുംബങ്ങള്ക്ക് ഭൂരിപക്ഷത്തിനും ഒരു കാറുണ്ടെന്നും സര്ക്കാര് കണക്ക് ഉദ്ധരിച്ച് മാധ്യമങ്ങള് റിപ്പോര്ട്ട് ചെയ്തു.
ഓരോ 100 കുവൈത്ത് കുടുംബത്തിനും 288 കാര് ഉണ്ടെന്ന് ഗതാഗത മാര്ഗങ്ങളെക്കുറിച്ചുള്ള ഔദ്യോഗിക സ്ഥിതിവിവരക്കണക്ക് കാണിക്കുന്നു. അതേസമയം ഓരോ 100 പ്രവാസി കുടുംബത്തിനും 98 കാറാണുള്ളത്. 100 പ്രവാസി കുടുംബത്തിന് 22 മോട്ടോര് സൈക്കിളുകള് ഉള്ളപ്പോള്, 100 സ്വദേശി കുടുംബത്തിന് ഏകദേശം ആറ് മോട്ടോര് സൈക്കിള് ഉണ്ട്. ഓരോ 100 കുവൈത്ത് കുടുംബത്തിനും എ.ടി.വികള്, ട്രെയിലറുകള്, കാരവനുകള് എന്നിവയുള്പ്പെടെ അഞ്ചിലധികം ഗതാഗത മാര്ഗങ്ങള് സ്വന്തമായുണ്ടെന്നും കണക്കുകള് വ്യക്തമാക്കുന്നു.