കുവൈത്തില് പൂര്ണ ഡിജിറ്റലൈസേഷന് വൈകാതെ നിലവില് വരും. ഇതിന്റെ ആദ്യപടിയായി സര്ക്കാര് സേവനങ്ങള് ഡിജിറ്റലാക്കും. നാല് വര്ഷത്തിനുള്ളില് സര്ക്കാര് സേവനങ്ങള് ഡിജിറ്റലാക്കാനുള്ള പദ്ധതിക്ക് മന്ത്രിതല സമിതി രൂപം നല്കിയതായി അധികൃതര് അറിയിച്ചു.
പദ്ധതിക്ക് വേഗം കൂട്ടുന്നതിനായി രാജ്യത്തിന്റെ വിവിധ ഭാഗങ്ങളില് മൂന്ന് ഡേറ്റാ സെന്ററുകള് കൂടി നിര്മിക്കും. നിലവിലെ സൗകര്യങ്ങള് വിപുലീകരിക്കുന്നതോടെ രാജ്യത്തെ 110ലധികം സര്ക്കാര് ഏജന്സികളുടെ സേവനങ്ങള് ഡിജിറ്റലാകും. സെന്ട്രല് ഏജന്സി ഫോര് ഇന്ഫര്മേഷന് ടെക്നോളജിയുടെ മേല്നോട്ടത്തില് മെഷീന് ലേണിങ്, ആര്ട്ടിഫിഷ്യല് ഇന്റലിജന്സ്, ഇന്ഫര്മേഷന് സെക്യൂരിറ്റി സൊല്യൂഷനുകള് തുടങ്ങിയ മേഖലകളില് ദേശീയ പരിശീലനപരിപാടി ആരംഭിക്കും.