മസ്കത്ത് അന്താരാഷ്ട്ര പുസ്തകോത്സവത്തിന് ഒരുക്കം പൂര്ത്തിയായി. ബുധനാഴ്ചയാണ് ഉദ്ഘാടനമെങ്കിലും ലോകത്തിലെ വിവിധ രാജ്യങ്ങളില്നിന്നും ആയിരക്കണക്കിന് പുസ്തകങ്ങള് ഉത്സവ നഗരിയില് എത്തിക്കഴിഞ്ഞു.
പ്രസാധകര് പുസ്തകങ്ങള് പ്രദര്ശനത്തിനായി നിരത്താന് തുടങ്ങിയതോടെ വേദിയായ ഒമാന് കണ്വെന്ഷന് ആന്ഡ് എക്സിബിഷന് സെന്റര് ഉണര്ന്നുകഴിഞ്ഞു. മുന് വര്ഷത്തേക്കാള് 20 ശതമാനം കൂടുതല് പ്രസാധകരാണ് ഈ വര്ഷം പുസ്തകോത്സവത്തില് എത്തുന്നത്. വില്പനക്കെത്തുന്ന പുസ്തകങ്ങളുടെ എണ്ണത്തിലും വന് വര്ധനവാണുള്ളത്.
ഈ വര്ഷവും മലയാള പുസ്തകവുമായി അല് ബാജ് ബുക്സ് എത്തുന്നുണ്ട്. രണ്ട് സ്റ്റാളുകളാണ് അല് ബാജിന് ലഭിച്ചിരിക്കുന്നത്. മലയാളം പുസ്തകങ്ങള് വില്ക്കുന്ന മേളയിലെ ഏക സ്റ്റാളും അല്ബാജിന്റേതാണ്. ഈ വര്ഷം എല്ലാ വിഭാഗം പുസ്തകങ്ങള്ക്കും കുടുതല് ആവശ്യക്കാരുണ്ടാവുമെന്നാണ് കണക്കുകൂട്ടുന്നതെന്ന് അല് ബാജ് ബുക്സ് മാനേജിങ് ഡയറക്ടര് ഷൗക്കത്തലി പറഞ്ഞു.