കുവൈത്ത്: ദേശീയ ദിനാഘോഷത്തിന്റെ ഭാഗമായി അറേബ്യന് ഗള്ഫ് സ്ട്രീറ്റ്, കുവൈത്ത് ടവറുകള്, ഗ്രീന് ഐലന്ഡ് പ്രദേശങ്ങളില് ഡ്രോണ് നിരോധിച്ചു. സുരക്ഷാ നടപടിയുടെ ഭാഗമായി മാര്ച്ച് ഒന്നുവരെയാണ് നിയന്ത്രണമെന്ന് അഭ്യന്തര മന്ത്രാലയം ജനറല് ഡയറക്ടറേറ്റ് ഓഫ് സെക്യൂരിറ്റി റിലേഷന്സ് ആന്റ് മീഡിയ അറിയിച്ചു.
ദേശീയ ദിനാഘോഷങ്ങളുടെ ഭാഗമായി നിരവധി പരിപാടികളും പ്രദര്ശനങ്ങളും ഈ മേഖലകളില് ഒരുക്കിയിട്ടുണ്ട്. പ്രദര്ശനങ്ങളില് പങ്കെടുക്കുന്ന ആളില്ല വിമാനങ്ങളുടെ റേഡിയോ ഫ്രീക്വന്സികളില് തടസ്സം നേരിടുന്നത് ഒഴിവാക്കുന്നതിന്റെ ഭാഗമായി കൂടിയാണ് ഡ്രോണ് നിരോധനം. സുരക്ഷ കണക്കിലെടുത്ത് തീരുമാനത്തോട് പൊതുജനങ്ങള് സഹകരിക്കണമെന്ന് അഭ്യന്തരമന്ത്രാലയം ആവശ്യപ്പെട്ടു. നേരത്തെ രാജ്യത്ത് ഡ്രോണ് ഉപയോഗിക്കുന്നവര്ക്ക് എന്.ഒ.സി നിര്ബന്ധമാക്കിയിരുന്നു.