ഇന്ത്യന് ഓവര്സീസ് കോണ്ഗ്രസ്സ് (യു കെ) യുടെ നേതൃത്വത്തില് മാര്ച്ച് അഞ്ചിനാണ് പരിപാടി നടക്കുക. പ്രസ്തുത പരിപാടിയില് പങ്കുചേരുവാന് ആഗ്രഹിക്കുന്നവര്ക്കായി തുടങ്ങിയ രജിസ്ട്രേഷന് നടപടികള്ക്ക് ആവേശകരമായ പ്രതികരണം ആണ് ലഭിച്ചു കൊണ്ടിരിക്കുന്നതെന്ന് ഐ ഒസി വക്താവ് അജിത് മുതയില് അറിയിച്ചു. ഇനിയും പങ്കെടുക്കുവാന് ആഗ്രഹിക്കുന്നവര് ഉടന് തന്നെ രജിസ്ട്രേഷന് നടപടികള് പൂര്ത്തിയാക്കേണ്ടതാണ്. മാര്ച്ച് അഞ്ചിനു ഞായറാഴ്ച ഉച്ചക്ക് ഒരു മണിക്ക് ആരംഭിക്കുന്ന സ്വീകരണവും, പ്രവാസി സംഗമവും വൈകുന്നേരം അഞ്ചര മണിവരെ തുടരും.
ലണ്ടനില് ഒരുങ്ങുന്ന പ്രവാസി സംഗമ വേദിയില് ഭാരതജനതയുടെ സ്നേഹവും, പ്രതിസന്ധികളും, ഒറ്റപ്പെടലുകളും പദയാത്രയിലൂടെ അനുഭവിച്ചും, കണ്ടും, കേട്ടും മനസ്സിലാക്കിയ വികാരവായ്പുകള് ഹൃദയതാളത്തില് രേഖപ്പെടുത്തിയ, നാളിന്റെ പ്രതീക്ഷയും, പ്രത്യാശയുമായ നേതാവ് രാഹുല് ഗാന്ധിയോടൊപ്പം ആവുമ്പോള് യുകെയിലെ മുഴുവന് ഭാരതീയരുടെയും സന്തോഷ-ആഹ്ളാദ വികാരവേദിയാവും പ്രവാസി സംഗമം.
കൂടുതല് വിവരങ്ങള്ക്ക് ബന്ധപ്പെടുക
സുജു ഡാനിയേല്: 07872 129697
അശ്വതി നായര്: 07305 815070
അപ്പച്ചന് കണ്ണഞ്ചിറ: 07737956977