കുവൈത്ത് സിറ്റി: പിഴയടക്കാൻ ആവശ്യപ്പെട്ട് ലിങ്ക് സഹിതം വരുന്ന സന്ദേശങ്ങളെ ജാഗ്രതയോടെ സമീപിക്കണമെന്ന് കുവൈത്ത് ആഭ്യന്തര മന്ത്രാലയം.
ട്രാഫിക് ഫൈൻ അടക്കാൻ ആവശ്യപ്പെട്ട് പലര്ക്കും വ്യാപകമായ സന്ദേശങ്ങള് ലഭിക്കുന്ന പശ്ചാത്തലത്തിലാണ് അധികൃതര് ജാഗ്രതാ നിര്ദേശം നല്കിയത്. ട്രാഫിക് ലംഘനങ്ങള്ക്ക് ആഭ്യന്തര മന്ത്രാലയം അലേര്ട്ടുകളും അറിയിപ്പുകളും സഹല് ആപ്ലിക്കേഷൻ വഴി മാത്രമാണ് അയക്കുന്നത്. സന്ദേശങ്ങളുടെ ആധികാരികത ഉറപ്പാക്കി മാത്രമേ പണമടക്കാവൂ. വ്യക്തിപരവും സാമ്ബത്തികപരവുമായ വിവരങ്ങള് പങ്കുവെക്കുമ്ബോള് വളരെ സൂക്ഷിക്കണമെന്ന് അധികൃതര് പറഞ്ഞു. സര്ക്കാര് സ്ഥാപനങ്ങളുടെ പേരിലുള്ള വ്യാജ വെബ്സൈറ്റുകള്ക്കെതിരേ ജാഗ്രത പാലിക്കണമെന്നും ആഭ്യന്തര മന്ത്രാലയം മുന്നറിയിപ്പ് നല്കി.