കുവൈറ്റ്: കുവൈറ്റില് കഴിഞ്ഞ ദിവസം ശര്ക്കിലെ അറേബ്യന് ഗള്ഫ് സ്ട്രീറ്റിലെ കുവൈറ്റ് ടവറിന് സമീപത്തേക്ക് വൈകുന്നേരം മുതല് ഒഴുകി എത്തിയ സ്വദേശികളും വിദേശികളുമായ ആയിരക്കണക്കിനു പേര്ക്ക് കണ്ണഞ്ചിപ്പിക്കുന്നതും അദ്ഭുത പൂര്ണവുമായ ദൃശ്യാനുഭവമായിരുന്നു.
രാത്രി 8 മണിക്ക് തുടങ്ങിയ ശബ്ദ വെളിച്ച സന്നിവേഷങ്ങള് കാണികള്ക്ക് പുതിയ അനുഭവങ്ങളായിരുന്നു. ആയിരകണക്കിന്ന് ഡ്രോണുകള് ആകാശത്തു കുവൈറ്റിന്റെ സംസ്ക്കാരിക പൈതൃകങ്ങള് വരച്ചു കാട്ടി. കുവൈത്ത് ടവറിന്റെ മുകളില് രാഷ്ട്രത്തിന്റെ അമീറിന്റെയും കിരീടാവകാശികളുടെയും ചിത്രം തെളിഞ്ഞതോടു കൂടി ആയിരക്കണക്കിന് കാണികള് ഹര്ഷാരവത്തോടെയാണ് എതിരെറ്റത് .
8 മണി മുതല് 48 മിനുറ്റ് നീണ്ടു നിന്ന പരിപാടി അവസാനിച്ചത് 8.48നാണ് . വൈകുന്നേരം 6മണിക്ക് മുന്പ് തന്നെ അറേബ്യന് ഗള്ഫ് സ്ട്രീറ്റും പരിസരവും ജന നിബിഢമായിരുന്നു.
ദേശീയ അവധി ദിനങ്ങളില് പൗരന്മാര്, താമസക്കാര്, നയതന്ത്രജ്ഞര്, ഗള്ഫ് സഹകരണ കൗണ്സില് രാജ്യങ്ങളില് നിന്നുള്ള വിനോദസഞ്ചാരികള് എന്നിവരുള്പ്പെടെ 8,000-ത്തിലധികം സന്ദര്ശകരെ ലിബറേഷന് ടവറില് തിങ്കളാഴ്ച ലഭിച്ചതായി വാര്ത്താവിനിമയ മന്ത്രാലയം അറിയിച്ചു.
‘മഹത്ത്വവും അഭിമാനവും’ എന്ന പേരില് കഴിഞ്ഞ വ്യാഴാഴ്ച ആരംഭിച്ച് നാല് ദിവസം നീണ്ടുനിന്ന ലിബറേഷന് ടവറിന്റെ പ്രവര്ത്തനങ്ങളുടെ സമാപനത്തോടനുബന്ധിച്ച് മന്ത്രാലയം പത്രക്കുറിപ്പില് അറിയിച്ചതാണീക്കാര്യം .
[1:32 am, 02/03/2023] Jilshaa: സര്ക്കാര് സ്ഥാപനങ്ങള്, പബ്ലിക് ബെനിഫിറ്റ് അസോസിയേഷനുകള്, സാംസ്കാരിക വകുപ്പ് എന്നിവ സംഘടിപ്പിച്ച വിവിധ പരിപാടികള് ലിബറേഷന് ടവര് സ്ക്വയറിലെ പ്രവര്ത്തനങ്ങളില് ഉള്പ്പെടുന്നുവെന്ന് മന്ത്രാലയം വ്യക്തമാക്കി. മന്ത്രാലയത്തിന്റെ ചരിത്രപരമായ ഹോള്ഡിംഗുകള്ക്കായി 150 മീറ്റര് ഉയരത്തില് ടവറില് ഒരു പ്രദര്ശനവും നടന്നു.