കുവൈത്ത് സിറ്റി: താമസനിയമം ലംഘിച്ച 19 പ്രവാസികളെ അറസ്റ്റ് ചെയ്തു. സബാഹ് അല്സലേം, ജലീബ് അല്ഷുയൂഖ് എന്നിവിടങ്ങളിലായി നടന്ന പരിശോധനയിലാണ് ഇവര് പിടിയിലായത്.
ആഭ്യന്തര മന്ത്രാലയത്തിന്റെ ജനറല് അഡ്മിനിസ്ട്രേഷന് ഓഫ് റെസിഡന്റ്സ് അഫയേഴ്സ് ഇന്വെസ്റ്റിഗേഷനാണ് പരിശോധന നടത്തിയത്.
പിടിയിലായവര്ക്കെതിരെ നിയമനടപടികള് സ്വീകരിക്കുന്നതിനായി ബന്ധപ്പെട്ട വകുപ്പുകളിലേക്ക് കൈമാറി. പരിശോധന തുടരുമെന്നും അധികൃതര് അറിയിച്ചു.