മസ്കത്ത്: പ്രവാചക സ്മരണയില്‍ ഒമാനിലും ചൊവ്വാഴ്ച നബിദിനം ആഘോഷിക്കുന്നു. മൗലിദ് പാരായണം അടക്കമുള്ള സാധാരണ ചടങ്ങുകള്‍ സംഘടനകളും വ്യക്തികളും നടത്തുന്നുണ്ടെങ്കിലും കോവിഡ് സുരക്ഷ കാരണങ്ങളാല്‍ വിപുല ആഘോഷം ഇത്തവണയുമില്ല. ഒമാനിലെ വിവിധ മദ്റസ വിദ്യാര്‍ഥികള്‍ ഒാണ്‍ലൈനില്‍ ആഘോഷ പരിപാടികള്‍ സംഘടിപ്പിക്കുന്നുണ്ട്. ചില വീടുകളിലും കൂട്ടായ്മകളിലും അറബി മാസമായ റബീഉല്‍ അവ്വല്‍ ഒന്നു മുതല്‍ മൗലിദ് പാരായണവും പ്രാര്‍ഥനയും നടത്തുന്നുണ്ട്. കോവിഡ് പ്രതിസന്ധി നീങ്ങുന്ന സാഹചര്യത്തില്‍ പല സംഘടനകള്‍ക്കും വിപുലമായ പരിപാടികള്‍ സംഘടിപ്പിക്കണമെന്ന് ആഗ്രഹമുണ്ടെങ്കിലും സര്‍ക്കാര്‍ നിശ്ചയിച്ച സുരക്ഷ മാനദണ്ഡങ്ങള്‍ പാലിക്കാന്‍ പ്രയാസമനുഭവപ്പെടുമെന്ന കാരണത്താന്‍ പൊതു പരിപാടികള്‍ ഒഴിവാക്കുകയാ ഒമാനില്‍ കഴിഞ്ഞ വര്‍ഷമൊഴികെ മുന്‍ വര്‍ഷങ്ങളില്‍ വിപുല ആഘോഷ പരിപാടികള്‍ സംഘടിപ്പിക്കാറുള്ള മസ്കത്ത് സുന്നി സെന്‍റര്‍ ഇത്തവണയും കോവിഡ് സുരക്ഷ കാരണങ്ങളാല്‍ പിന്മാറുകയാണ്. മുന്‍ വര്‍ഷങ്ങളില്‍ റൂവി അല്‍ ഫലാജ് ഹോട്ടലില്‍ ആയിരങ്ങള്‍ പെങ്കടുക്കുന്ന പരിപാടിയാണ് സംഘടിപ്പിക്കാറ്. മദ്റസ വിദ്യാര്‍ഥികളുടെ വൈവിധ്യമാര്‍ന്ന കലാപരിപാടികളും നാട്ടില്‍നിന്നുള്ള പ്രമുഖരും പെങ്കടുക്കുന്നതായിരുന്നു ആഘോഷം. കഴിഞ്ഞവര്‍ഷം കോവിഡ് കൂടിയ കാലമായതിനാല്‍ ആഘോഷം നടന്നില്ല. ഇൗ വര്‍ഷം വിപുലമായി നബിദിനം ആഘോഷിക്കാന്‍ ആഗ്രഹമുണ്ടെങ്കിലും കോവിഡ് സുരക്ഷ മാനദന്ധങ്ങള്‍ പാലിക്കാന്‍ കഴിയില്ലെന്ന കാരണത്താല്‍ പിന്മാറുകയാണെന്ന് മസ്കത്ത് സുന്നി സെന്‍ററുമായി ബന്ധപ്പെട്ടവര്‍ പറയുന്നു.
എന്നാല്‍, നബിദിന ഭാഗമായി ചൊവ്വാഴ്ച രാവിലെ ആറു മുതല്‍ മസ്കത്ത് സുന്നി സെന്‍ററില്‍ മൗലിദ് പാരായണം നടക്കും. റബീഉല്‍ അവ്വല്‍ ഒന്നുമുതല്‍ ദിവസവും രാത്രി പത്ത് മുതല്‍ മൗലിദ് പാരായണം നടത്തിവരുന്നുണ്ട്. മദ്റസ വിദ്യാര്‍ഥികളുടെ കലാപരിപാടികള്‍ ഒാണ്‍ലൈനായാണ് നടക്കുന്നതെന്നും ബന്ധപ്പെട്ടവര്‍ പറഞ്ഞു. തിങ്കള്‍, ചൊവ്വ ദിവസങ്ങളില്‍ വൈകീട്ട് നാലു മുതല്‍ ആറു വരെയാണ് ഒാണ്‍ലൈന്‍ പരിപാടികള്‍. സാധാരണ നബിദിനാേഘാഷം സംഘടിപ്പിക്കാറുള്ള മറ്റു സംഘടനകളും ആഘോഷം ഒാണ്‍ലൈനില്‍ ഒതുക്കുകയാണ്.
അതിനിടെ നബിദിന ഭാഗമായി ലഭിച്ച പൊതു അവധി ആഘോഷമാക്കുന്നവരും നിരവധിയാണ്. കോവിഡ് വ്യാപനം രണ്ടക്കമായി ചുരുങ്ങിയതും അന്തരീക്ഷ ഉൗഷ്മാവ് താഴ്ന്നതും വവിധ വിനോദസഞ്ചാര കേന്ദ്രങ്ങളില്‍ തിരക്ക് വര്‍ധിപ്പിക്കും.
കഴിഞ്ഞ ആഴ്ചകളില്‍ കോവിഡ് വ്യാപനം കുറയുകയും നിയന്ത്രണങ്ങളില്‍ ഇളവ് നിലവില്‍ വരുകയും ചെയ്തിരുന്നെങ്കിലും പൊതുജനങ്ങള്‍ കാര്യമായി പുറത്തിറങ്ങിയിരുന്നില്ല. കടുത്ത ചൂടും മറ്റു പ്രശ്നങ്ങളുമായിരുന്നു കാരണം. എന്നാല്‍, ഒമാനില്‍ താപനില നന്നായി താഴ്ന്നത് പ്രവാസികളടക്കം പുറത്തിറങ്ങാന്‍ കാരണമായി. അതിനാല്‍ അവധി ദിവസമായ ചൊവ്വാഴ്ച പാര്‍ക്കുകളിലും വിനോദസഞ്ചാര കേന്ദ്രങ്ങളിലും മാളുകളിലും തിരക്ക് അനുഭവപ്പെടാന്‍ സാധ്യതയുണ്ട്്. ഇത് വ്യാപാര സ്ഥാപനങ്ങള്‍ക്കും ഹോട്ടലുകള്‍ക്കും മറ്റും അനുഗ്രഹമാവും.
