വിവിധ മേഖലകളില് സഹകരണത്തിനൊരുങ്ങി ഇന്ത്യയും ഒമാനും.ഒമാന് വിദേശകാര്യ മന്ത്രി സയ്യിദ് ബദര് ബിന് ഹമദ് അല് ബുസൈദി ഇന്ത്യന് വിദേശകാര്യ മന്ത്രി ഡോ. എസ്. ജയ്ശങ്കറുമായി ന്യൂഡല്ഹിയില് ചര്ച്ച നടത്തി. ജി20 ഉച്ചകോടിയുടെ ഭാഗമായി നടന്ന ‘റൈസിന ഡയ്ലോഗ്’ സെഷനിലാണ് ഇരുവരും ചര്ച്ച നടത്തിയത്. ഇരു രാഷ്ട്രങ്ങള്ക്കുമിടയിലെ ഉഭയകക്ഷിബന്ധവും വിവിധ മേഖലകളിലെ സഹകരണവും ചര്ച്ച ചെയ്തു. നേരത്തേ നരേന്ദ്ര മോദിയുമായും ഒമാന് വിദേശകാര്യ മന്ത്രി ചര്ച്ച നടത്തുകയും സുല്ത്താന്റെ സന്ദേശം കൈമാറുകയും ചെയ്തിരുന്നു.
ഊര്ജ ചലനാത്മകത, കാലാവസ്ഥ വ്യതിയാനം, പ്രാദേശിക, അന്തര്ദേശീയ സഹകരണം എന്നിവയുമായി ബന്ധപ്പെട്ട് മേഖലയിലെ വെല്ലുവിളികളെയും അവസരങ്ങളെയും അഭിസംബോധന ചെയ്ത് ‘റൈസിന ഡയ്ലോഗ്’ സെഷനില് സയ്യിദ് ബദര് സംസാരിച്ചു.