മസ്കത്ത്: എണ്ണ ഉല്‍പാദനം കുത്തനെ വെട്ടിക്കുറക്കാന്‍ ഒമാനും തീരുമാനിച്ചു.ഈ വര്‍ഷം മേയ് മുതല്‍ അവസാനം വരെ അസംസ്കൃത എണ്ണ ഉല്‍പാദനം പ്രതിദിനം 40,000 ബാരല്‍ വീതം വെട്ടിക്കുറക്കാനാണ് തീരുമാനം. ഒപെക് പ്ലസ് രാജ്യങ്ങള്‍ എണ്ണ ഉല്‍പാദനം വെട്ടിക്കുറക്കുമെന്ന പ്രഖ്യാപനത്തിന്‍റെ അടിസ്ഥാനത്തിലാണിത്.
പത്തുലക്ഷം ബാരലിലേറെ എണ്ണയുല്‍പാദനമാണ് വെട്ടിക്കുറക്കാന്‍ ഒപെക് പ്ലസ് രാജ്യങ്ങള്‍ തീരുമാനിച്ചത്. രാജ്യാന്തര വിപണയില്‍ എണ്ണയുടെ വില സ്ഥിരത നിലനിര്‍ത്തുന്നതിന്റെ ഭാഗമായാണിത്. സൗദി അറേബ്യ, കുവൈത്ത്, യു.എ.ഇ, അല്‍ജീരിയ തുടങ്ങിയ രാജ്യങ്ങള്‍ ഇതുസംബന്ധിച്ച്‌ പ്രസ്താവന ഇറക്കിയിട്ടുണ്ട്. അസംസ്കൃത എണ്ണയുടെ വിലസ്ഥിരത ഉറപ്പാക്കാന്‍ കഴിഞ്ഞ് ഒക്ടോബറില്‍ എണ്ണയുല്‍പാദന രാജ്യങ്ങളായ ഒപെക്സ് പ്ലസ്, ഇതര രാജ്യങ്ങളും ധാരണയിലെത്തിയിരുന്നു. ഇതിന്റെ അടിസ്ഥാനത്തിലാണ് മേയ് മുതല്‍ ഈ വര്‍ഷം അവസാനം വരെ ഉല്‍പാദനം കുറക്കാന്‍ തീരുമാനിച്ചത്.
