ന്യൂ യോര്‍ക്: യൂറോപ്പില്‍ ആക്രമണം ആസൂത്രണം ചെയ്ത ഇസ്‍ലാമിക് സ്റ്റേറ്റിന്റെ മുതിര്‍ന്ന നേതാവിനെ സിറിയയില്‍ നടത്തിയ ആക്രമണത്തില്‍ വധിച്ചതായി അമേരിക്കന്‍ സൈന്യം അറിയിച്ചു.
തിങ്കളാഴ്ച നടന്ന ഡ്രോണ്‍ ആക്രമണത്തിലാണ് ഖാലിദ് അയ്ദ് അഹ്മദ് അല്‍ ജബൂരി കൊല്ലപ്പെട്ടതെന്ന് യു.എസ് സെന്‍ട്രല്‍ കമാന്‍ഡ് അറിയിച്ചു.
ആക്രമണത്തില്‍ സാധാരണക്കാര്‍ കൊല്ലപ്പെട്ടിട്ടില്ല. അതേസമയം, ഐ.എസ് സംഭവത്തെക്കുറിച്ച്‌ പ്രതികരിച്ചിട്ടില്ല.
വിദേശത്ത് ആക്രമണം നടത്താനുള്ള ഐ.എസിെന്റ പദ്ധതികള്‍ക്ക് തിരിച്ചടിയാണ് വധമെന്ന് യു.എസ് സെന്‍ട്രല്‍ കമാന്‍ഡ് അഭിപ്രായപ്പെട്ടു. അതേസമയം, ഇയാള്‍ നടത്താനുദ്ദേശിച്ച ആക്രമണത്തിെന്റ വിശദാശങ്ങള്‍ യു.എസ് വെളിപ്പെടുത്തിയില്ല.
