ലോകത്തിലെ ഏറ്റവും വലിയ ചാര്‍ട്ടര്‍ എയര്‍ലൈനുകളില്‍ ഒന്നായ ടി.യു.ഐ എയര്‍വേസ് ഒമാനിലെ ഈ വര്‍ഷത്തെ ശൈത്യകാല ടൂറിസം സീസണില്‍ ചാര്‍ട്ടര്‍ ഫ്ലൈറ്റുകള്‍ നടത്തും.
AeroRoutes.com പ്രഖ്യാപിച്ച വിശദാംശങ്ങളിലാണ് ഇക്കാര്യം പറയുന്നത്.യുനൈറ്റഡ് കിങ്ഡം, അയര്‍ലന്‍ഡ് എന്നിവിടങ്ങളില്‍നിന്ന് വിവിധ ലക്ഷ്യസ്ഥാനങ്ങളിലേക്ക് സര്‍വിസ് നടത്തുന്ന ബ്രിട്ടീഷ് എയര്‍ലൈനാണ് ടി.യു.ഐ.
അതേസമയം മസ്കത്ത് നൈറ്റ്, മസ്കത്ത് ഈറ്റ്സ് അടക്കമുള്ള പരിപാടികളുടെ വിജയകരമായ നടത്തിപ്പിനുശേഷം സമ്മര്‍ ഫെസ്റ്റുമായി മസ്കത്ത് മുനിസിപ്പാലിറ്റി. ജൂണ്‍ 28 മുതല്‍ ഒരു മാസക്കാലമാണ് വേനല്‍ക്കാല ഉത്സവം നടക്കുക. വാണിജ്യ ഇനങ്ങള്‍, വിനോദ പരിപാടികള്‍ തുടങ്ങിയവ കുട്ടികള്‍ക്കും കുടുംബങ്ങള്‍ക്കും വേണ്ടി സംഘടിപ്പിക്കുമെന്ന് മസ്കത്ത് മുനിസിപ്പാലിറ്റിയുമായി ബന്ധപ്പെട്ടവര്‍ പറഞ്ഞു. പുതിയ തൊഴിലവസരങ്ങള്‍ ഉണ്ടാക്കാനും ഫെസ്റ്റിവല്‍ സഹായകമാവും.
