കുവൈത്ത് സിറ്റി: സാമ്ബത്തിക സഹകരണവും സംയോജനവും വര്ധിപ്പിക്കുന്നതിന് അറബ് ധനകാര്യ സ്ഥാപനങ്ങളുടെ പ്രവര്ത്തനങ്ങളെ പിന്തുണക്കുമെന്ന് കുവൈത്ത്. റബാത്തില് നടന്ന അറബ് ധനകാര്യ സ്ഥാപനങ്ങളുടെ സംയുക്ത വാര്ഷിക യോഗത്തില് കുവൈത്ത് ധനകാര്യ മന്ത്രാലയം അണ്ടര്സെക്രട്ടറി അസീല് അല് മുനിഫിയാണ് ഇക്കാര്യം വ്യക്തമാക്കിയത്.
അറബികളുടെ വികസനവും സാമ്ബത്തിക അഭിവൃദ്ധിയും കൈവരിക്കുന്നതിന് അറബ് ധനകാര്യ സ്ഥാപനങ്ങളുടെ ലക്ഷ്യങ്ങള് പൂര്ത്തീകരിക്കാനുള്ള കുവൈത്തിന്റെ താല്പര്യത്തെ അവര് ഊന്നിപ്പറഞ്ഞു. അറബ് സാമ്ബത്തിക സഹകരണം, സംയോജനം, സംയുക്ത അറബ് പ്രവര്ത്തനം എന്നിവയെയാണ് ധനകാര്യ സ്ഥാപനങ്ങള് പ്രതിനിധാനം ചെയ്യുന്നതെന്നും അറബ് രാജ്യങ്ങളിലെ സാമ്ബത്തിക സാമൂഹിക പദ്ധതികള്ക്ക് ധനസഹായം നല്കുന്നതില് അവര് വിജയിച്ചിട്ടുണ്ടെന്നും കുവൈത്ത് പ്രതിനിധി സംഘത്തെ നയിച്ച അല് മുനിഫി പറഞ്ഞു.