മസ്കത്ത്: യു.എ.ഇ നഗരങ്ങളില്നിന്ന് ഒമാന് അതിര്ത്തിയിലേക്ക് ആഡംബര ട്രെയിനിന് തുടക്കമിട്ട് ഇത്തിഹാദ് റെയില്.
ഇതുസംബന്ധിച്ച് ഇറ്റാലിയന് ആഡംബര ഹോസ്പിറ്റാലിറ്റി കമ്ബനിയായ ആഴ്സനാലെയുമായി യു.എ.ഇ നാഷനല് റെയില് നെറ്റ്വര്ക്ക് ഡെവലപ്പറും ഓപറേറ്ററുമായ ഇത്തിഹാദ് റെയില് കരാര് ഒപ്പുവെച്ചു.
അബൂദബി, ദുബൈ എന്നീ നഗരങ്ങളിലൂടെ കടന്നുപോകുന്ന ട്രെയിന് ഒമാന് അതിര്ത്തിയിലെ പര്വതങ്ങളും ലിവ മരുഭൂമിയുമുള്ള ഫുജൈറയിലാണ് എത്തിച്ചേരുക. യു.എ.ഇയുടെ റെയില്വേ ശൃംഖല വികസിപ്പിക്കുന്നതിന് മൊറോക്കോയുടെ നാഷനല് റെയില്വേ ഓഫിസുമായി ധാരണപത്രത്തില് ഒപ്പുവെച്ചിട്ടുണ്ടെന്ന് ഇത്തിഹാദ് റെയില് ഓണ്ലൈനില് പുറത്തിറക്കിയ പ്രസ്താവനയില് പറഞ്ഞു.
മിഡിലീസ്റ്റ് റെയില് എക്സിബിഷന്റെയും കോണ്ഫറന്സിന്റെയും ഭാഗമായി ഇത്തിഹാദ് റെയില് സി.ഇ.ഒ ഷാദി മലക്കും നാഷനല് റെയില്വേ ഓഫിസ് ജനറല് ഡയറക്ടര് മുഹമ്മദ് റാബി ഖിലിയുമാണ് കരാറില് ഒപ്പുവെച്ചതന്ന് അധികൃതര് അറിയിച്ചു.