കുവൈത്ത് സിറ്റി: കുവൈത്തിലെ എന്‍ജിനീയറിങ് ഡിസൈനിങ് രംഗത്ത് പ്രവര്‍ത്തിക്കുന്നവരുടെ കൂട്ടായ്മയായ ഫോറം ഓഫ് കാഡ് യൂസേഴ്സ് (ഫോക്കസ് കുവൈത്ത്) പ്രവര്‍ത്തന വര്‍ഷത്തെ അംഗത്വവിതരണ കാമ്ബയിന്‍ ആരംഭിച്ചു. പ്രസിഡന്റ് ജിജി മാത്യുവിന്റെ അധ്യക്ഷതയില്‍ കൂടിയ യോഗത്തിന് ജനറല്‍ സെക്രട്ടറി ഷഹീദ് ലബ്ബ സ്വാഗതം ആശംസിച്ചു.
ട്രഷറര്‍ ജേക്കബ് ജോണ്‍, വൈസ് പ്രസിഡന്റ് സാജന്‍ ഫിലിപ്, ജോ. സെക്രട്ടറി മനോജ് കലാഭവന്‍, ജോ. ട്രഷറര്‍ സജിമോന്‍ എന്നിവര്‍ സംസാരിച്ചു. സിജു വര്‍ഗീസ്, സച്ചിന്‍ ഗോപാലകൃഷ്ണന്‍ എന്നിവര്‍ക്ക് അംഗത്വം നല്‍കി ജിജി മാത്യൂ, സജി മോന്‍ എന്നിവര്‍ ഉദ്ഘാടനം ചെയ്തു.
കുവൈത്തിന്റെ വിവിധ മേഖലകളില്‍ പതിനാറു യൂനിറ്റുകളുള്ള ഫോക്കസില്‍ അംഗത്വം എടുക്കാന്‍ താല്പര്യമുള്ള എന്‍ജിനീയറിങ് ഡിസൈനിങ് മേഖലകളില്‍ പ്രവര്‍ത്തിക്കുന്നവര്‍ 99643609, 6999 1853, 65935455 എന്നീ നമ്ബറുകളില്‍ ബന്ധപ്പെടാമെന്ന് ഭാരവാഹികള്‍ അറിയിച്ചു.
