സുല്‍ത്താൻ ഹൈതം ബിൻ താരീഖ്ന്റെ ഔദ്യോഗിക ഇറാൻ സന്ദര്‍ശനത്തിനു ഞായറാഴ്ച തുടക്കമാകും. ഇറാൻ പ്രസിഡന്റ് ഡോ. ഇബ്രാഹിം റഈസിയുടെ ക്ഷണം സ്വീകരിച്ചാണ് സുല്‍ത്താൻ ഇറാൻ സന്ദര്‍ശനം നടത്തുന്നത് എന്ന് ദിവാൻ ഓഫ് റോയല്‍ കോര്‍ട്ട് പ്രസ്താവനയില്‍ അറിയിച്ചു.
രണ്ട് ദിവസത്തെ ഔദ്യോഗിക സന്ദര്‍ശനത്തിനായി ആണ് ഒമാൻ സുല്‍ത്താൻ ഇറാനിലേക്ക് പോകുന്നത്.ഇറാൻ പ്രസിഡന്റും ഒമാൻ സുല്‍ത്താനും തമ്മില്‍ ഔദ്യോഗിക കൂടിക്കാഴ്ചകളും നടത്തും. പ്രാദേശിക, അന്തര്‍ദേശീയ വിഷയങ്ങളില്‍ വീക്ഷണങ്ങള്‍ കൈമാറുന്നതിനൊപ്പം ഉഭയ കക്ഷി ബന്ധങ്ങള്‍ വിപുലപ്പെടുത്തുന്നതിനുള്ള കാര്യങ്ങളില്‍ ചര്‍ച്ച നടത്തുകയും ചെയ്യും. ഒമാൻ സുല്ത്താന്റെ സന്ദര്‍ശനത്തിന്‍റെ ഭാഗമായി വിവിധ കരാറുകളിലും ഒപ്പുവെക്കും.
