കുവൈത്ത് സിറ്റി: കുവൈത്തിലെ പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന റിയാസ് മൂടാടിക്കും കുടുംബത്തിനും കൊയിലാണ്ടിക്കൂട്ടം കുവൈത്ത് ചാപ്റ്റര് യാത്രയയപ്പ് നല്കി.
കൊയിലാണ്ടിക്കൂട്ടം ഗ്ലോബല് കമ്യൂണിറ്റി കുവൈത്ത് ചാപ്റ്റര് ട്രഷററായിരുന്ന റിയാസ് മൂടാടി മികച്ച പ്രവര്ത്തനങ്ങളാണ് കാഴ്ചവെച്ചിരുന്നതെന്ന് ഭാരവാഹികള് അനുസ്മരിച്ചു.
വിവിധ സാമൂഹിക സാംസ്കാരിക പ്രവര്ത്തനങ്ങളിലും സജീവമായിരുന്നു. സാല്മിയയില് നടന്ന യാത്രയയപ്പ് പരിപാടിയില് കൊയിലാണ്ടിക്കൂട്ടം പ്രസിഡന്റ് അനില് കൊയിലാണ്ടി, കോഓഡിനേറ്റര് കെ.വി. ഷാജി, ജോ. ട്രഷറര് റെജിൻ രാജ് എന്നിവര് പങ്കെടുത്തു. റിയാസ് മൂടാടിയുടെയും കുടുംബത്തിന്റെയും തുടര് ജീവിതം കൂടുതല് ശോഭനമാകട്ടെ എന്ന് ഏവരും ആശംസിച്ചു. കൊയിലാണ്ടിക്കൂട്ടത്തിന്റെ ഉപഹാരം ഭാരവാഹികള് റിയാസ് മൂടാടിക്ക് കൈമാറി.