കുവൈത്തിലെ പ്രമുഖ പ്രവാസി സംഘടനയായ പ്രവാസി വെല്‍ഫെയര്‍ കുവൈത്ത് പൊതുസമ്മേളനം സംഘടിപ്പിച്ചു. ഖൈത്താന്‍ ഇന്ത്യന്‍ കമ്മ്യൂണിറ്റി സ്കൂളില്‍ സംഘടിപ്പിച്ച സമ്മേളനത്തില്‍ വെല്‍ഫെയര്‍ പാര്‍ട്ടി സംസ്ഥാന പ്രസിഡണ്ട് റസാഖ് പാലേരി മുഖ്യ പ്രഭാഷണം നിര്‍വ്വഹിച്ചു.
സംസ്ഥാന പ്രസിഡണ്ടായി തെരെഞ്ഞെടുക്കപ്പെട്ട ആദ്യ വിദേശ സന്ദര്‍ശനത്തില്‍ റസാഖ് പാലേരിക്ക് ഊഷ്മളമായ സ്വീകരണം നല്‍കി . ചെണ്ട വാദ്യ മേളങ്ങളോടെയാണ് പ്രവര്‍ത്തകര്‍ അദ്ദേഹത്തെ വേദിയിലേക്കാനയിച്ചത്. സമ്മേളനത്തില്‍ പ്രവാസി വെല്‍ഫെയര്‍ കുവൈത്ത് പ്രസിഡണ്ട് അന്‍വര്‍ സഈദ് അദ്ധ്യക്ഷത വഹിച്ചു. 14 ജില്ലാ കമ്മിറ്റികളും മേഖലാ ഭാരവാഹികളും റസാഖ് പാലേരിയെ പൊന്നാട അണിയിച്ച്‌ ആദരിച്ചു.
സെക്രട്ടറി അന്‍വര്‍ ഷാജി സമ്മേളന പ്രമേയം അവതരിപ്പിച്ചു. പ്രവാസി വെല്‍ഫെയര്‍ കുവൈത്തിന്റെ പുതിയ പ്രവര്‍ത്തന വര്‍ഷത്തേക്കുള്ള ഭാരവാഹികളുടെ പ്രഖ്യാപനവും റസാഖ് പാലേരി നിര്‍വ്വഹിച്ചു. പുതുതായി തെരെഞ്ഞെടുക്കപ്പെട്ട പ്രസിസണ്ട് ലായി ക് അഹമ്മദ് സദസ്സിനെ അഭിസംബോധനം ചെയ്ത് സംസാരിച്ചു. ജനറല്‍ സെക്രട്ടറി റഫീഖ് ബാബു സ്വാഗതവും സെക്രട്ടറി അഷ്കര്‍ മാളിയേക്കല്‍ നന്ദിയും പറഞ്ഞു.
