കോഴിക്കോട് നിന്ന് മസ്കറ്റിലേക്ക് പോയ വിമാനം കരിപ്പൂര് വിമാനത്താവളത്തില് തിരിച്ചിറക്കി. കാലാവസ്ഥാ റഡാറിലെ തകരാര് കാരണമാണ് വിമാനം തിരിച്ചിറക്കിയത്.
9.16ന് കോഴിക്കോട് നിന്ന് പുറപ്പെട്ട ഒമാന് എയറിന്റെ ഡബ്ല്യുവൈ 298 വിമാനമാണ് തിരിച്ചിറക്കേണ്ടി വന്നത്. വിമാനത്തില് 162 യാത്രക്കാരും സുരക്ഷിതരാണെന്ന് അധികൃതര് അറിയിച്ചു.
അതേസമയം ,പൈലറ്റിന്റെ ഡ്യൂട്ടി സമയം കഴിഞ്ഞതിനാല് 6 മണിക്കൂറിനു ശേഷമേ വിമാനം പുറപ്പെടൂവെന്നാണ് ലഭിക്കുന്ന വിവരം. നേരത്തെ ഇന്ധനം കത്തിച്ചു തീര്ക്കാനായി കരിപ്പൂര് വിമാനത്താവളത്തിനു മുകളില് ഒരു മണിക്കൂര് വിമാനം കറങ്ങിയിരുന്നു. തുടര്ന്നാണ് സുരക്ഷിതമായി തിരിച്ചിറക്കിയത്.