കുവൈത്ത് സിറ്റി: കുവൈത്തിലെ രജിസ്ട്രേഡ് സംഘടനകളുടെ കൂട്ടായ്മയായ ഫെഡറേഷൻ ഓഫ് ഇന്ത്യൻ രജിസ്ട്രേഡ് അസോസിയേഷൻസ് (ഫിറ) കുവൈത്ത് ആക്ടിങ് കണ്വീനറും സാമൂഹിക സാംസ്കാരിക പ്രവര്ത്തകനുമായ സലീം രാജിന് യാത്രയയപ്പ് നല്കി.
അബ്ബാസിയ പോപ്പിൻസ് ഹാളില് നടന്ന യോഗത്തില് ബിജു സ്റ്റീഫൻ (ടെക്സാസ് കുവൈത്ത്) സ്വാഗതം പറഞ്ഞു. ഷൈജിത്ത് (കോഴിക്കോട് ജില്ല അസോസിയേഷൻ) അധ്യക്ഷത വഹിച്ചു. ബേബി ഔസേഫ് (കേരള അസോസിയേഷൻ), ജീവ്സ് എരിഞ്ചേരി (ഓവര്സീസ് എൻ.സി.പി), ഓമനക്കുട്ടൻ (ഫോക് കുവൈത്ത്), ഷഹീദ് ലബ്ബ (ഫോക്കസ് കുവൈത്ത്), സിജോ കുര്യൻ (കോട്പാക് – കോട്ടയം ജില്ല അസോസിയേഷൻ), അലക്സ് മാത്യു (കൊല്ലം ജില്ല പ്രവാസി സമാജം), മാമ്മൻ അബ്രഹാം (ടാസ്ക് കുവൈത്ത്), തമ്ബി ലൂക്കോസ്, ബാബു വിളയില് എന്നിവര് ആശംസ നേര്ന്നു.
ചടങ്ങില് സലീം രാജിന് ഫിറയുടെ സ്നേഹോപഹാരം കൈമാറി. സലിംരാജ് മറുപടി പ്രസംഗം നടത്തി. ഫിറ സെക്രട്ടറിയും പത്തനംതിട്ട ജില്ല അസോസിയേഷൻ പ്രതിനിധിയുമായ ചാള്സ് പി. ജോര്ജ് നന്ദി പറഞ്ഞു.