കുവൈത്ത് സിറ്റി: കേരള ആര്ട്ട് ലവേഴ്സ് അസോസിയേഷൻ, കല കുവൈത്ത് സംഘടിപ്പിക്കുന്ന സാഹിത്യോത്സവത്തിന്റെ ഭാഗമായി പ്രവാസി മലയാളികള്ക്കായി നടന്ന വിവിധ സാഹിത്യ രചനാമത്സര വിജയികളെ പ്രഖ്യാപിച്ചു.
” കേരള വികസനം, സാധ്യതകളും പ്രതിസന്ധികളും” എന്ന വിഷയത്തില് നടന്ന ഉപന്യാസ രചന മത്സരത്തില് സാജു സ്റ്റീഫൻ ( കുവൈത്ത് ) ഒന്നാം സ്ഥാനം നേടി. ജോബി ബേബി, ലിപി പ്രസീദ് ( കുവൈത്ത് ) എന്നിവര് രണ്ടും മൂന്നും സ്ഥാനങ്ങള് കരസ്ഥമാക്കി.
ചെറുകഥ രചന മത്സരത്തില് മനോജ് കോടിയത്ത് ( ദുബായ് ) ഒന്നാം സ്ഥാനവും, ഹുസൈൻ തൃത്താല ( ദോഹ ), റീനാ സാറാ വര്ഗീസ് ( കുവൈത്ത് ) എന്നിവര് രണ്ടും മൂന്നും സ്ഥാനങ്ങള്ക്കും അര്ഹരായി. കവിതാരചന മത്സരത്തില് ഉത്തമൻ കുമാരൻ ( കുവൈത്ത് ) ഒന്നാം സ്ഥാനവും ജ്യോതിദാസ് നാരായണൻ ( കുവൈത്ത് ), ശിഹാബുദ്ധീൻ ടി ( ദുബായ് ) എന്നിവര് രണ്ടും മൂന്നും സ്ഥാനങ്ങള്ക്കും അര്ഹരായി.
വിവിധ രാജ്യങ്ങളില് നിന്നുമായി നൂറോളം പേര് പങ്കെടുത്ത മത്സരത്തില് നിന്നാണ് സമ്മാനാര്ഹരായവരെ തെരെഞ്ഞെടുത്തത്. വിജയികള്ക്കുള്ള സമ്മാന വിതരണം ആഗസ്ത് 4 വെള്ളിയാഴ്ച മംഗഫ് കല സെന്ററില് സംഘടിപ്പിച്ചിട്ടുള്ള സാഹിത്യോത്സവത്തില് വച്ച് നടക്കുമെന്ന് കല കുവൈറ്റ് ഭാരവാഹികള് അറിയിച്ചു.