കുവൈത്ത് സിറ്റി: കുവൈത്ത് കേരള മുസ്‌ലിം അസോസിയേഷന്റെ (കെ.കെ.എം.എ) അബ്ബാസിയ ബ്രാഞ്ചും റിഗ്ഗായി യൂനിറ്റും സംയുക്തമായി പ്രഖ്യാപിച്ച ‘ഇസ്മായില്‍ ഇക്കാക്ക് ഒരു വീട്’ ഭവനപദ്ധതിയുടെ താക്കോല്‍ദാന ചടങ്ങ് അബ്ബാസിയ ഹെവൻ ഓഡിറ്റോറിയത്തില്‍ നടന്നു.
കെ.കെ.എം.എ കേന്ദ്ര പ്രസിഡന്റ് ഇബ്രാഹിം കുന്നില്‍ ഉദ്ഘാടനം ചെയ്തു. കേന്ദ്ര, സോണല്‍, ബ്രാഞ്ച് യൂനിറ്റ് നേതാക്കള്‍ സംയുക്തമായി വീടിന്റെ താക്കോല്‍ ഇസ്മായിലിന് കൈമാറി.
കെ.കെ.എം.എ വൈസ് ചെയര്‍മാൻ എ.പി. അബ്ദുല്‍ സലാം, കേന്ദ്ര ജനറല്‍ സെക്രട്ടറി കെ.സി. റഫീഖ്, കേന്ദ്ര വൈസ് പ്രസിഡന്റുമാരായ കലാം മൗലവി, എച്ച്‌.എ. ഗഫൂര്‍, നിസാം നാലകത്ത്, അബ്ദുല്‍ മജീദ് റവാബി, ബ്രാഞ്ച് മാനേജ്മെന്റ് കമ്മിറ്റി അംഗങ്ങളായ റഫീഖ് ഉസ്‌മാൻ, മൻസൂര്‍ താത്തനാത്, റിഗ്ഗയി യൂനിറ്റ് പ്രസിഡന്റ് റഹീം അരീക്കാടി എന്നിവര്‍ ആശംസ നേര്‍ന്നു. യൂനിറ്റ് സെക്രട്ടറി ഷബീബ് എലത്തൂര്‍ റിപ്പോര്‍ട്ട് അവതരിപ്പിച്ചു.
കെ.കെ.എം.എ ഫര്‍വാനിയ സോണല്‍ പ്രസിഡന്റ് വി.കെ. അബ്ദുല്‍ നാസര്‍ പ്രോജക്‌ട് വിശദീകരിച്ചു.
അബ്ബാസിയ ബ്രാഞ്ച് പ്രസിഡന്റ് ലത്തീഫ് ചങ്ങരംകുളം അധ്യക്ഷത വഹിച്ചു. ബ്രാഞ്ച് ജനറല്‍ സെക്രട്ടറി അര്‍ഷാദ് ഷെരീഫ് സ്വാഗതവും വര്‍ക്കിങ് പ്രസിഡന്റ് ശിഹാബുദ്ദീൻ നന്ദിയും പറഞ്ഞു.
