കുവൈത്ത് സിറ്റി: കുവൈത്തില്‍ കുടുംബത്തോടൊപ്പം അല്ലാതെ താമസിക്കുന്ന പുരുഷന്മാര്‍ക്ക് ഐ.ഡി കാര്‍ഡില്‍ മേല്‍വിലാസം അനുവദിക്കില്ല.
സിവില്‍ ഇൻഫര്‍മേഷൻ പബ്ലിക് അതോറിറ്റി ഡയറക്ടര്‍ ജനറലിന്റ ഓഫീസ് ഡയറക്ടറും ഔദ്യോഗിക വക്താവുമായ ഖാലിദ് അല്‍-ഷമ്മരിയാണ് മേല്‍വിലാസം അനുവദിക്കുന്നതിന് നിരോധനം ഏര്‍പ്പെടുത്തിയത്.
സിവില്‍ ഇൻഫോര്‍മേഷൻ പബ്ലിക് അതോറിറ്റിയുടെ വെബ്‌സൈറ്റില്‍ 2021 മുതല്‍ ഡാറ്റാ സേവന വിഭാഗത്തിലും ഏകീകൃത സര്‍ക്കാര്‍ സംവിധാനമായ സാഹല്‍ ആപ്ലിക്കേഷനിലും താമസക്കാരുടെ വിവരങ്ങള്‍ ലഭ്യമാണ്‌.
കെട്ടിടത്തിലെ താമസക്കാരുടെ വിവരങ്ങള്‍ കാണുവാനും ഏതെങ്കിലും തെറ്റായ വിവരങ്ങളൊ മറ്റൊ കണ്ടെത്തിയാല്‍ അതിലൂടെ യാന്ത്രികമായി പരാതി ഫയല്‍ ചെയ്യാനും ഈ സേവനം കെട്ടിട ഉടമകള്‍ക്ക് സൗകര്യം നല്‍കുന്നതായും അദ്ദേഹം അറിയിച്ചു.
