കുവൈത്ത്സിറ്റി: ഫ്രണ്ട്‌സ് ഓഫ് കണ്ണൂർ കുവൈത്ത് എക്സ്പാറ്റ്സ് അസോസിയേഷൻ (ഫോക്ക്) 18ാമത് വാർഷിക ആഘോഷം അബ്ബാസിയ പാകിസ്താനി ഓക്‌സ്‌ഫോർഡ് സ്‌കൂളില്‍ സംഘടിപ്പിച്ചു.
ഫോക്ക് പ്രസിഡന്‍റ് സേവ്യർ ആന്‍റണി അധ്യക്ഷത വഹിച്ചു. ദാർ അല്‍ സഹ പോളിക്ലിനിക്‌ മാർക്കറ്റിങ് മാനേജർ നിതിൻ മേനോൻ ഉദ്ഘാടനം ചെയ്തു. വാർഷിക ഭാഗമായി പുറത്തിറക്കിയ ഇ സുവനീർ ‘മുദിത’യുടെ പ്രകാശനം സബ്‌കമ്മിറ്റി അംഗം അഖിലശ്രീ ഷാബു നിതിൻ മേനോന് കൈമാറി നിർവഹിച്ചു.
സുവനീറിന്‌ പേര് നിർദേശിച്ച ഫോക്ക് ബാലവേദി കുട്ടികളായ ഋതുനന്ദ ബിജു, അന്വയ ബാലകൃഷ്ണൻ കവർചിത്രം തയാറാക്കിയ രാജീവ് ദേവനന്ദനം എന്നിവർക്കും ഫോക്ക് മാതൃഭാഷാ അധ്യാപകർക്കുമുള്ള ഉപഹാരങ്ങളും കൈമാറി. പത്ത്, പന്ത്രണ്ട് ക്ലാസുകളില്‍ ഉന്നതവിജയം കരസ്ഥമാക്കിയ ഫോക്ക് അംഗങ്ങളുടെ കുട്ടികള്‍ക്കുള്ള അവാർഡും വാർഷിക ആഘോഷ വേദിയില്‍ നല്‍കി. പ്രോഗ്രാം കണ്‍വീനർ ഐ.വി. സുനേഷ്, ജോയന്‍റ് കണ്‍വീനർ ദിലീപ്കുമാർ എന്നിവർ നേതൃത്വം നല്‍കി. ഫോക് ജനറല്‍ സെക്രട്ടറി വിജയകുമാർ എൻ.കെ സ്വാഗതവും ട്രഷറർ സാബു നമ്ബ്യാർ നന്ദിയും പറഞ്ഞു.
