കുവൈറ്റ്: കുവൈറ്റിലെ എല്ലാ മേഖലകളിലുമുള്ള ഇന്ത്യന് വനിതകളുടെ പ്രതിനിധികള്ക്കൊപ്പം ഇന്ത്യന് വനിതാ നെറ്റ്വര്ക്ക് ഔദ്യോഗികമായി അവതരിപ്പിച്ച് (IWN) കുവൈറ്റിലെ ഇന്ത്യന് അംബാസഡര് സിബി ജോര്ജ്ജ്.
കുവൈറ്റിലെ നയതന്ത്ര, വ്യാപാര സമൂഹങ്ങളില് നിന്നും ഇന്ത്യയിയില് നിന്നുമുള്ള വിശിഷ്ട വ്യക്തികള് ചടങ്ങില് പങ്കെടുത്തു. കുവൈറ്റിലെ എല്ലാ ഇന്ത്യന് സ്ത്രീകളെയും ഒരു പ്ലാറ്റ്ഫോമില് ഒരുമിച്ച് കൊണ്ടുവരിക എന്ന ലക്ഷ്യത്തോടെയാണ് കുവൈറ്റിലെ ഇന്ത്യന് എംബസി ഇന്ത്യന് വനിതാ നെറ്റ്വര്ക്ക് അവതരിപ്പിച്ചിരിക്കുന്നത്.
കുവൈറ്റില് താമസിക്കുന്ന എല്ലാ ഇന്ത്യന് സ്ത്രീകളുമായും പ്രൊഫഷണല് അല്ലെങ്കില് വിദ്യാഭ്യാസ പശ്ചാത്തലങ്ങളില് ബന്ധപ്പെടാനും വിദ്യാഭ്യാസം, ബിസിനസ്സ്, സംസ്കാരം, ആരോഗ്യം, ശാസ്ത്രം, സാഹിത്യം, കല, കായികം എന്നീ മേഖലകളില് വിവിധ പ്രവര്ത്തനങ്ങളിലൂടെ അവരുടെ ഇടപഴകല് പ്രോത്സാഹിപ്പിക്കാനും IWN ലക്ഷ്യമിടുന്നു.