കുവൈത്തില് കാര് രജിസ്ട്രേഷന് പുതുക്കുന്നതിന് പരിസ്ഥിതി അതോറിറ്റി അനുമതി നിര്ബന്ധമാക്കുന്നു. പരിശോധനയില് മലിനീകരണം തെളിഞ്ഞാല് വാഹനം വീണ്ടും പരിശോധനയ്ക്ക് ഹാജരാക്കണമെന്ന് അധികൃതര് വ്യക്തമാക്കി.
കുവൈത്തില് വാഹനങ്ങളുടെ രജിസ്ട്രേഷന് പുതുക്കുന്നതിന് മലിനീകരണ മുക്ത സര്ട്ടിഫിക്കറ്റ് നിര്ബന്ധമാക്കുന്നു. ഇത് സംബന്ധമായ സജ്ജീകരണങ്ങള് പൂര്ത്തിയായതായി അധികൃതര് അറിയിച്ചു. ഇതോടെ കാര് പാസിംഗ് പരിശോധനാ കേന്ദ്രങ്ങളില് ആഭ്യന്തര ഉദ്യോഗസ്ഥരോടപ്പം പരിസ്ഥിതി മന്ത്രാലയത്തിലെ ഉദ്യോഗസ്ഥരുടേയും സാന്നിധ്യവും ഉണ്ടായിരിക്കും. വാഹനങ്ങളുടെ മലിനീകരണ മുക്ത പരിശോധനാ ഫലം അനുസരിച്ചായിരിക്കും രജിസ്ട്രേഷന് പുതുക്കി നല്കുകയെന്ന് പരിസ്ഥിതി പബ്ലിക് അതോറിറ്റി ഡയറക്ടര് ജനറല് ഷെയ്ഖ് അബ്ദുല്ല അല് അഹമ്മദ് വ്യക്തമാക്കി.