ലക്നൗ: കര്ഷക പ്രതിഷേധത്തിനിടയിലേക്ക് കേന്ദ്രമന്ത്രിയുടെ വാഹനവ്യൂഹം പഇടിച്ചുകയറി രണ്ട് പേര്ക്ക് ദാരുണാന്ത്യം. ഉത്തര്പ്രദേശ് ഉപമുഖ്യമന്ത്രി കേശവ് പ്രസാദ് മൗര്യയ്ക്കെതിരെ ഉണ്ടായ കര്ഷക പ്രതിഷേധത്തിനിടെയിലേയ്ക്കാണ് വാഹനവ്യൂഹം പാഞ്ഞുകയറിയത്. എട്ട് പേര്ക്ക് ഗുരുതരമായി പരിക്കേറ്റിട്ടുണ്ട്.
മകന്ദ്ര ആഭ്യന്തര സഹമന്ത്രി അജയ് കുമാര് മിശ്രയുടെ വഹനവ്യൂഹം ആണ് ഇടിച്ചുകയറിയത്. മന്ത്രിയുടെ കോപ്ടര് വന്നിറജ്ങിയ ഹെലിപാഡിലേക്ക് കര്ഷകര് കൂട്ടത്തോടെ പ്രതിഷേധ മാര്ച്ചുമായി എത്തുകയായിരുന്നു. എന്നാല് മന്രതിയുടെ വാഹനവ്യൂഹങ്ങളിലൊന്ന് കര്ഷകരെ ഇടിക്കുകയായിരുന്നുവെന്നും റിപ്പോര്ട്ടുണ്ട്. അപകടത്തിന് ഇടയാക്കിയ വാഹനം കര്ഷകര് കത്തിച്ചു.
ഞായറാഴ്ച വൈകിട്ട് മൂന്ന് മണിയോടെയാണ് അപകടം നടന്നത്. മന്ത്രിമാര് ഉള്പ്പെടെയുള്ള ബിജെപി നേതാക്കള് പങ്കെടുക്കുന്ന പരിപാടിക്കെതിരെ ഞായറാഴ്ച രാവിലെ മുതല് പ്രദേശത്ത് കര്ഷകര് പ്രതിഷേധിച്ചിരുന്നു. മന്ത്രിയുടെ വാഹനവ്യൂഹം കര്ഷകര്ക്കിടെയിലേക്ക് ഇടിച്ചുകയറിയതിന് പിന്നാലെ സ്ഥലത്ത് വലിയ സംഘര്ഷമുണ്ടായി.