കുവൈത്ത് സിറ്റി: കുവൈത്തില് വാക്സിന് വിവരങ്ങള് ആവശ്യപ്പെട്ടുവരുന്ന വ്യാജ മൊബൈല് സന്ദേശങ്ങളെ കുറിച്ച് മുന്നറിയിപ്പുമായി ആരോഗ്യ മന്ത്രാലയം.
ഇത്തരം സന്ദേശങ്ങളോടും ലിങ്കുകളോടും പ്രതികരിക്കുമ്ബോള് ജാഗ്രത പുലര്ത്തണം എന്ന് അധികൃതര് നിര്ദേശിച്ചു. കോവിഡ് വാക്സിന് എടുത്ത ചിലരുടെ മൊബൈലിലേക്ക് ആരോഗ്യ മന്ത്രാലയത്തിെന്റ പേരില് വ്യാജ സന്ദേശം എത്തിയ പശ്ചാത്തലത്തിലാണ് ഹാക്കിങ് സാധ്യതയെ കുറിച്ച് അധികൃതര് മുന്നറിയിപ്പ് നല്കിയത്. വ്യക്തിവിവരങ്ങള് നല്കിയശേഷം വാക്സിന് സര്ട്ടിഫിക്കറ്റിനായി ലിങ്ക് തുറക്കാന് ആവശ്യപ്പെട്ടായിരുന്നു സന്ദേശം. ഇത്തരത്തിലുള്ള ലിങ്കുകളോടും സന്ദേശങ്ങളോടും പ്രതികരിക്കുമ്ബോള് ജാഗ്രത പാലിക്കണമെന്നും മൊബൈല് ഫോണിലെ അക്കൗണ്ട് വിവരങ്ങളും മറ്റും ഹാക്ക് ചെയ്യപ്പെടാന് കാരണമാകുമെന്നും അധികൃതര് മുന്നറിയിപ്പ് നല്കി. വാക്സിനെടുത്തവരുടെ വിവരങ്ങളോ മറ്റോ ആവശ്യപ്പെടാറില്ലെന്നും ആരോഗ്യ മന്ത്രാലയം വ്യക്തമാക്കി. വാക്സിന് സര്ട്ടിഫിക്കറ്റ് അയച്ചു കൊടുക്കാന് ആവശ്യപ്പെട്ട് ആരോഗ്യ മന്ത്രലയത്തിെന്റ പേരില് ചിലര്ക്ക് നേരത്തെ വ്യാജ ഫോണ്കാളുകളും ലഭിച്ചിരുന്നു.