മസ്കത്ത്: ആരോഗ്യമേഖലയില്‍ സ്വദേശിവത്കരണം ഉൗര്‍ജിതമാക്കി അധികൃതര്‍. നഴ്സിങ്, പാരാമെഡിക്കല്‍ രംഗത്തുള്ള വിദേശികളെ ഒഴിവാക്കുന്നതിെന്‍റ ഭാഗമായി ബിരുദ, ബിരുദാനന്തര ബിരുദധാരികളായ ഒമാനികള്‍ക്ക് പരിശീലനം നല്‍കുന്ന പദ്ധതിയില്‍ തൊഴില്‍-ആരോഗ്യ മന്ത്രാലയങ്ങള്‍ കഴിഞ്ഞദിവസം ഒപ്പുവെച്ചു.
പരിശീലന പദ്ധതിയിലൂടെ സ്വദേശികളായ 900 പേര്‍ക്ക് ഇൗവര്‍ഷം തൊഴില്‍ നല്‍കാനാണ് ലക്ഷ്യംവെക്കുന്നത്. നിലവില്‍ 610 ആളുകള്‍ക്കള്‍ക്ക് ജോലി നല്‍കിയിട്ടുണ്ട്. 134േപരുടെ നിയമനനടപടികള്‍ നടന്നുകൊണ്ടിരിക്കുകയാണ്. തൊഴില്‍ സംബന്ധമായ പരിശീലനത്തിന് ശേഷം 150പേരെ കൂടി പിന്നീട് ആരോഗ്യമേലയില്‍ വിന്യസിക്കും. തൊഴില്‍ മന്ത്രാലയം അണ്ടര്‍ സെക്രട്ടറി സയ്യിദ് സാലിം മുസല്ലം അല്‍ ബുസൈദി, െഹല്‍ത്ത് മിനിസ്റ്റര്‍ അണ്ടര്‍ സെക്രട്ടറി ഡോ. ഫാത്തിമ മുഹമ്മദ് അല്‍ അജ്മി എന്നിവരാണ് ഒപ്പുവെച്ചത്. ഒരുവര്‍ഷം നീണ്ടു നില്‍ക്കുന്ന പരിശീലന കാലയളവില്‍ വിദ്യാര്‍ഥികള്‍ക്ക് തൊഴില്‍ മന്ത്രാലയം പ്രതിമാസം ഗ്രാന്‍റ് നല്‍കും. പദ്ധതികളുടെ നടത്തിപ്പിെന്‍റ മേല്‍നോട്ടം സാേങ്കതികപരമായി ആരോഗ്യമന്ത്രാലയത്തിനായിരിക്കും. നിശ്ചിത കാലയളവില്‍ തന്നെ പരിശീലന നടപടികള്‍ പൂര്‍ത്തിയാക്കാനാണ് ആരോഗ്യമന്ത്രാലയം ലക്ഷ്യംവെക്കുന്നത്.
ആരോഗ്യേമഖലയില്‍ സ്വദേശിവത്കരണം നടപ്പാക്കുന്നതിെന്‍റ ഭാഗമായി ഇൗ വര്‍ഷാദ്യം മുതല്‍ കഴിഞ്ഞ മാസം 30വരെ 117 ഡോക്ടര്‍മാരെ അടക്കം ആയിരത്തിലധികം പേരെ ആരോഗ്യമന്ത്രാലയത്തില്‍ നിയമിച്ചിരുന്നു. ആരോഗ്യ മേഖലയില്‍ വിവിധ മേഖലകളില്‍ സ്വദേശിവത്കരണം മലയാളികള്‍ അടക്കമുള്ള വിദേശികളെ പ്രതികൂലമായി ബാധിക്കും. അടുത്തിടെ നഴ്സിങ് മേഖലയില്‍ സ്വദേശിവത്കരണം നടത്തിയതു കാരണം നിരവധി വിദേശികള്‍ക്ക് ജോലി നഷ്ടപ്പെട്ടിരുന്നു. ഫാര്‍മസിസ്റ്റ് ജോലിയിലടക്കം വിവിധ മേഖലകളില്‍ സ്വദേശിവത്കരണം പുരോഗമിക്കുന്നുണ്ട്. ഇതിനാല്‍ നിരവധി മലയാളികള്‍ക്ക് തൊഴില്‍ നഷ്ടപ്പെടുന്നുണ്ട്്. നഴ്സിങ് മേഖലയില്‍ ജോലി നഷ്ടെപ്പടല്‍ ഭീതി വര്‍ധിച്ചതോടെ നിരവധി േപര്‍ യൂറോപ്യന്‍ രാജ്യങ്ങളിലേക്കും അമേരിക്കയിലേക്കും ചേക്കേറാനുള്ള ആലോചനയിലാണ്.
വര്‍ഷംതോറും സ്വദേശികളായ നിരവധി ഡോക്ടര്‍മാരും നഴ്സുമാരും ഫാര്‍മസിസ്റ്റുകളുമാണ് കോഴ്സ് കഴിഞ്ഞ് പുറത്തിറങ്ങുന്നുത്. ഇതില്‍ ഒമാനില്‍ പരിശീലനം നേടിയവരും വിദേശത്ത് പോയി പഠിച്ചവരും നിരവധിയാണ്. മിടുക്കരായ കുട്ടികള്‍ക്ക് വിദേശത്തുപോയി പഠിക്കാന്‍ സ്കോളര്‍ഷിപ്പും സര്‍ക്കാര്‍ നല്‍കുന്നുണ്ട്. വരുംവര്‍ഷങ്ങളില്‍ ഇവര്‍ പഠനവും പരിശീലനവും കഴിഞ്ഞ് പുറത്തുവരുന്നതോടെ ഇവരെ സര്‍ക്കാര്‍, സ്വകാര്യ മേഖലകളില്‍ നിയമിക്കേണ്ടി വരും. അതോടെ ഭാവിയില്‍ കൂടുതല്‍ വിദേശികള്‍ക്ക് ജോലി നഷ്ടപ്പെടും. അതോടെ പൂര്‍ണ സ്വദേശിവത്കരണം നടപ്പാക്കുന്ന വിഭാഗങ്ങളുടെ എണ്ണം വര്‍ധിക്കും.
ഇതൊക്കെ മുന്നില്‍ കണ്ടാണ് ആരോഗ്യമേഖലയില്‍ സേവനമനുഷ്ഠിക്കുന്ന നിരവധി േപര്‍ മറ്റു രാജ്യങ്ങളില്‍ ചേക്കേറാന്‍ ഒരുങ്ങുന്നത്.
