മസ്കത്ത്: സന്ദര്‍ശക വിസയിലെത്തിയ തൃശുര്‍ സ്വദേശിനി ഹൃദയാഘാതത്തെ തുടര്‍ന്ന് ഒമാനില്‍ നിര്യാതയായി. കൊടുങ്ങല്ലൂര്‍ അഴീക്കോട് പുത്തന്‍ പള്ളി ജങ്ഷനില്‍ പടിഞാഴറെ വീട്ടില്‍ തസ്നിമോള്‍ (33)ആണ് മസ്കത്തില്‍ മരിച്ചത്.
അവധികാലം ആഘോഷിക്കാനായി മസ്കത്തിലുള്ള ഭര്‍തൃ സഹോദരന്‍റെ അടുത്തേക്ക് കുടുംബസമേതം വന്നതായിരുന്നു. ഞായറാഴ്ച വൈകീട്ട് റൂവിയിലെ സ്വകാര്യ ആശുപത്രിയിലായിരുന്നു മരണം.
പിതാവ്: മനാഫ് കൊല്ലിയില്‍. മാതാവ്: ഖദീജ. ഭര്‍ത്താവ് അബ്ദുല്‍ റഊഫ്. മക്കള്‍: ഹലീല്‍, ത്വയിബ്, റാബിയ, റാഹില.നടപടികള്‍ക്ക് ശേഷം മൃതദേഹം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര്‍ അറിയിച്ചു.
