കുവൈത്ത് സിറ്റി: കുവൈത്തില് പരിസ്ഥിതി സംരക്ഷണ ഭാഗമായി കൂടുതല് നാച്വറല് റിസര്വുകള് സ്ഥാപിക്കാന് ആലോചന. രാജ്യത്തിെന്റ വടക്കന് പ്രദേശങ്ങളില് അഞ്ച് സ്ഥലങ്ങളാണ് സംരക്ഷിത പരിസ്ഥിതി പ്രദേശങ്ങളാക്കാന് ആലോചിക്കുന്നത്. ഉമ്മു ഖദീര്, ഖബരി അല് അവാസിം, ഇൗസ്റ്റ് ജഹ്റ, അല് ലിയ, അല് ശഖായ എന്നീ പ്രദേശങ്ങളാണ് പരിഗണനയിലെന്നാണ് വിവരം. ഇൗ ഭാഗങ്ങളില് തമ്ബ് കെട്ടിയ കന്നുകാലി ഉടമകളോട് സ്ഥലം ഒഴിയാന് ആവശ്യപ്പെട്ടതായി അല് റായ് ദിനപത്രം റിപ്പോര്ട്ട് ചെയ്തു. കാര്ഷിക മത്സ്യ വിഭവ പബ്ലിക്ക് അതോറിറ്റിയും പരിസ്ഥിതി പൊലീസ് വകുപ്പും ചേര്ന്നാണ് ആഭ്യന്തര മന്ത്രാലയത്തിെന്റ സഹകരണത്തോടെ തുടര് പ്രവര്ത്തനങ്ങള് നടത്തുക.
ഇറാഖി അധിനിവേശ കാലത്ത് ഫലഭൂയിഷ്ഠത തകര്ത്ത മണ്ണ് നന്നാക്കിയെടുക്കല് ശ്രമകരമാണ്. റേഡിയോ ആക്ടിവ് സാന്നിധ്യം മണ്ണിനെ നശിപ്പിച്ചു. അഞ്ച് പ്രദേശങ്ങളെ മണ്ണ് നന്നാക്കിയും മരങ്ങള് നട്ടുപിടിപ്പിച്ചും നാച്വറല് റിസര്വാക്കി മാറ്റിയെടുക്കാന് 100 കോടി ഡോളറെങ്കിലും ചെലവ് വരുമെന്നാണ് കണക്കുകൂട്ടല്. യുദ്ധ നഷ്ടപരിഹാരമായി ഇറാഖ് നല്കുന്ന തുകയില്നിന്ന് ഇതിലേക്ക് വകയിരുത്തും. ലക്ഷ്യമിട്ട രൂപത്തില് പ്രദേശങ്ങളെ മാറ്റിയെടുക്കാന് വര്ഷങ്ങളുടെ ചിട്ടയായ പ്രവര്ത്തനം വേണ്ടിവരും. വംശനാശം സംഭവിച്ചുകൊണ്ടിരിക്കുന്ന ജീവികള്ക്ക് ആശ്വാസമാണ് നാച്വറല് റിസര്വുകള്.
ദേശാടനക്കിളികളുടെയും തദ്ദേശീയ പക്ഷികളുടെയും പ്രധാന ആവാസ കേന്ദ്രമാണിവ. ജഹ്റ, സബാഹ് അല് അഹ്മദ് നാച്വറല് റിസര്വുകളില് അനുയോജ്യമായ ആവാസ വ്യവസ്ഥ സൃഷ്ടിച്ചതോടെ മുള്ളന്പന്നികള് ഉള്പ്പെടെ ജീവികള് പ്രതൃക്ഷപ്പെടാന് തുടങ്ങി. ജഹ്റ നാച്വറല് റിസര്വ് ഇന്റര്നാഷനല് യൂനിയന് ഫോര് കണ്സര്വേഷന് ഓഫ് നാച്വറിെന്റ (ഐ.യു.സി.എന്) ഗ്രീന് ലിസ്റ്റില് ഇടം പിടിച്ചിട്ടുണ്ട്. നാച്വറല് റിസര്വിെന്റ വികസന പ്രവര്ത്തനങ്ങള്, മാനേജ്മെന്റിെന്റ പ്രവര്ത്തനങ്ങള്, റിസര്വില്നിന്നു ലഭിച്ച ഫലങ്ങള് എന്നിവ പരിഗണിച്ചാണ് അംഗീകാരം. സബാഹ് അല് അഹ്മദ് നാച്വറല് റിസര്വ് കൂടി ഗ്രീന് ലിസ്റ്റില് ഇടം നേടിയെടുക്കാനുള്ള ശ്രമത്തിലാണ് അധികൃതര്.