മസ്‌കത്ത്∙ മസ്‌കത്ത് പുസ്തക മേള 2022 ഫെബ്രുവരി 22 ന് തുടങ്ങും .മാര്‍ച്ച്‌ അഞ്ച് വരെ മേള തുടരും. 26ാമത് എഡിഷനാണ് ഇത്തവണ അരങ്ങേറുന്നത് .
സുപ്രീം കമ്മിറ്റിയുടെ കര്‍ശന കൊവിഡ്-19 സുരക്ഷാ മാനദണ്ഡങ്ങള്‍ പാലിച്ചാകും പുസ്തക മേളയെന്ന് ഇന്‍ഫര്‍മേഷന്‍ മന്ത്രിയും പുസ്തകമേള ചെയര്‍മാനുമായ ഡോ. അബ്ദുല്ല ബിന്‍ നാസര്‍ അല്‍ ഹറാസ്സി വ്യക്തമാക്കി .മലയാളി പ്രസാധകരും ഇത്തവണയുണ്ടാകുമെന്നാണ് പ്രതീക്ഷ.
ഇംഗ്ലീഷ് , മലയാളം, അറബി, തുടങ്ങി വിവിധ ഭാഷകളിലുള്ള പുസ്തകങ്ങള്‍ മേളയിലെത്തിയിരുന്നു. ചരിത്രം, സംസ്‌കാരം, മതം , സാഹിത്യം, കഥ സമാഹാരങ്ങള്‍, കവിതാ സമാഹാരം, തുടങ്ങിയ മേഖലകളില്‍ നിന്നുള്ള പുസ്തകങ്ങള്‍ പുസ്തക മേളയിലുണ്ടാകും
