മസ്കത്ത്: ഒമാനില് കഴിഞ്ഞ മൂന്ന് ദിവസത്തിനിടെ 22 പേര്ക്ക് കൂടി കൊവിഡ് സ്ഥിരീകരിച്ചു. അവധി ദിനങ്ങളായ വെള്ളി, ശനി ദിവസങ്ങളിലെ വിവരങ്ങള് കൂടി ഉള്പ്പെടുത്തിയാണ് ഇന്നത്തെ കണക്കുകള് ആരോഗ്യ മന്ത്രാലയം പുറത്തുവിട്ടത്.
ചികിത്സയിലായിരുന്ന 18 പേര് കഴിഞ്ഞ മൂന്ന് ദിവസങ്ങളിലായി രോഗമുക്തരായി. ഈ ദിവസങ്ങളില് കൊവിഡ് മരണങ്ങളൊന്നും ഒമാനില് റിപ്പോര്ട്ട് ചെയ്യപ്പെട്ടിട്ടില്ല. രാജ്യത്ത് ഇതുവരെ 3,04,603 പേര്ക്ക് കൊവിഡ് സ്ഥിരീകരിച്ചിട്ടുണ്ട്. ഇവരില് 3,00,039 പേരും ഇതിനോടകം രോഗമുക്തരായി . 4,113 മരണങ്ങളാണ് റിപ്പോര്ട്ട് ചെയ്യപ്പെട്ടിട്ടുള്ളത്. നിലവില് 429 പോസിറ്റീവ് കേസുകളാണ് ഇപ്പോള് രാജ്യത്തുള്ളത്.