ലണ്ടന്: യുകെ മലയാളികള്ക്കു നൊമ്പരമായി കുഴഞ്ഞു വീണു മരിച്ച ബെഡ്ഫോഡ് ഷെയറിലെ ലൂട്ടന് ഡണ്സ്റ്റബിള് സെന്ററില് വിവിയന് ജേക്കബിന്റെ മകള് കയല ജേക്കബിന്റെ (16) സംസ്കാരം ഫെബ്രുവരി 21ന്. ലൂട്ടന് ഹോളി ഗോസ്റ്റ് കതോലിക് പള്ളിയില് ഉച്ചയ്ക്ക് 1.30 മുതല് 3.30 വരെ പൊതുദര്ശനവും തുടര്ന്ന് 4.15 ന് ലൂട്ടന് വാലി സെമിത്തേരിയില് സംസ്കാരവും.
പനിയെ തുടര്ന്നുള്ള അസ്വസ്ഥതകള് പ്രകടിപ്പിച്ചിരുന്ന കയലക്ക് പ്രാഥമിക ചികിത്സകള് നല്കിയിരുന്നെങ്കിലും ഫെബ്രുവരി 2 ന് വൈകിട്ട് നാലു മണിയോടെ വിവിയന് ജേക്കബിന്റെ കയ്യിലേക്കു കുഴഞ്ഞു വീണു മരിക്കുകയായിരുന്നു.ലൂട്ടനില് താമസമാക്കിയ തൊടുപുഴ സ്വദേശികളാണു കയലയുടെ രക്ഷിതാക്കള്.
മാതാവ്: വൈഷ്ണവി. സഹോദരന്: നൈതന്.മരണത്തെ തുടര്ന്നുള്ള തുടര്നടപടികള്ക്കും ക്രമീകരണങ്ങള്ക്കുമായി വിവിയന്റെ സഹോദരങ്ങളും സുഹൃത്തുക്കളും ലൂട്ടന് കേരളൈറ്റ് അസോസിയേഷന് പ്രവര്ത്തകരുമാണു നേതൃത്വം നല്കുന്നത്.