മസ്കത്ത്: എംപ്റ്റി ക്വാര്‍ട്ടര്‍ മരുഭൂമിയിലൂടെ സൗദിയെയും ഒമാനെയും ബന്ധിപ്പിക്കുന്ന ഹൈവേ തുറന്നതിന്റെ ആഹ്ളാദത്തില്‍ സൈക്കിള്‍ റാലി .
പൈതൃക, ടൂറിസം മന്ത്രാലയവുമായി സഹകരിച്ച്‌ അല്‍ ദഹിറ സൈക്ലിങ് ടീമാണ് അല്‍ അനന്‍ നാഷനല്‍ കമ്ബനിയുടെ പിന്തുണയോടെ സൗദിയിലേക്ക് സൈക്കിള്‍ റാലി നടത്തിയത്.
ഇബ്രിയിലെ വിലായത്തില്‍ നിന്നാരംഭിച്ച്‌ റുബൂഉല്‍ ഖാലി അതിര്‍ത്തി ചെക്ക്‌പോസ്റ്റുകള്‍ വരെ 150 കി.മീ ദൂരത്തിലായിരുന്ന സൈക്കിള്‍ റാലി നടത്തിയത്. റാലിയില്‍ നിരവധിപേര്‍ പങ്കെടുത്തു.കഴിഞ്ഞ ആഴ്ച സൗദി അറേബ്യന്‍ കിരീടാവകാശി മുഹമ്മദ് ബിന്‍ സല്‍മാന്റെ സന്ദര്‍ശന പശ്ചാത്തലത്തിലായിരുന്നു റോഡുകള്‍ തുറന്നത്.
സുരക്ഷയുടെ ഭാഗമായി രക്ഷപ്രവര്‍ത്തനങ്ങള്‍ക്കായി റോയല്‍ ഒമാന്‍ പൊലീസും സിവില്‍ ഡിഫന്‍സ് ആന്‍ഡ് ആംബുലന്‍സ് അതോറിറ്റി (സി.ഡി.എ.എ) അതിര്‍ത്തി ചെക്ക്‌പോസ്റ്റില്‍ പ്രവര്‍ത്തനം തുടങ്ങിയിട്ടുണ്ട്. സഞ്ചാരം 24 മണിക്കൂറും അനുവദിക്കും.
