മസ്കത്ത്: ലയണ്‍സ് ക്ലബ്സ് ഇന്‍റര്‍നാഷനല്‍ മസ്കത്തിലും പ്രവര്‍ത്തനം ആരംഭിക്കുകയാണെന്ന് അധികൃതര്‍ വാര്‍ത്തസമ്മേളനത്തില്‍ അറിയിച്ചു.
ലയണ്‍സ് എന്‍.ആ.ര്‍ഐ ക്ലബിെന്റ ഉദ്ഘാടനം ഒക്ടോബര്‍ ഒന്നിന് വൈകുന്നേരം ഏഴ് മണിക്ക് റൂവി ഗോള്‍ഡന്‍ തുലിപ് ഹോട്ടലില്‍ ലയണ്‍ ഡിസ്ട്രിക്‌ട് 318സി മുന്‍ ഗവര്‍ണറും മള്‍ട്ടിപ്പിള്‍ കൗണ്‍സില്‍ ട്രഷറര്‍ ആയ വി.സി. ജെയിംസ് നിര്‍വഹിക്കും. അംഗങ്ങളുടെ ഇന്‍ഡക്ഷനും ഭാരവാഹികളുടെ ഇന്‍സ്റ്റലേഷനും മുന്‍ മള്‍ട്ടിപ്പിള്‍ കൗണ്‍സില്‍ ചെയര്‍പേഴ്സനും ഗാട്ട് ഏരിയ ലീഡറുമായ അഡ്വ. എ.വി വാമനകുമാര്‍ നിര്‍വഹിക്കും. വാര്‍ത്ത സമ്മേളനത്തില്‍ പ്രസിഡന്‍റ് സിദ്ദിഖ് ഹസ്സന്‍, സെക്രട്ടറി രാജു എബ്രഹാം, ട്രഷറര്‍ കെ.ഒ. ദേവസി, വൈസ് പ്രസിഡന്‍റ് അനീഷ് കടവില്‍, ജോയന്‍റ് സെക്രട്ടറി അഡ്വ. ഗിരീഷ് കുമാര്‍, മെംബര്‍ഷിപ് കണ്‍വീനര്‍ ഷഹീര്‍ അഞ്ചല്‍, അബ്ദുല്‍ റഹീം ലക്ഷ്മി കോത്തനേത്ത്, താജ് മാവേലിക്കര, മറ്റ് ക്ലബ് അംഗങ്ങളും പങ്കെടുത്തു.
