കെയ്റോ: വീട്ടിലെ ടോയ്ലറ്റില് മകളെ പൂട്ടിയിട്ടതിനും പിന്നീട് മരിച്ച ശേഷം മൃതദേഹം അഞ്ച് വര്ഷത്തോളം അവിടെ സൂക്ഷിച്ചതിനും യുവതിക്ക് നല്കിയ ജീവപര്യന്തം ശിക്ഷ കുവൈറ്റ് അപ്പീല് കോടതി ശരി വെച്ചു. കുവൈറ്റ് സ്വദേശിയായ യുവതിയുടെ ശിക്ഷയാണ് കോടതി ശരി വെച്ചത്.
മകളെ കൊലപ്പെടുത്തിയതിനും മൃതദേഹം വീട്ടില് സൂക്ഷിച്ചതിനും മേയില് ആണ് ക്രിമിനല് കോടതി യുവതിയെ ജീവപര്യന്തം തടവിന് ശിക്ഷിച്ചിരുന്നത്. ക്രിമിനല് വിചാരണയ്ക്കിടെ യുവതി കുറ്റസമ്മതം നടത്തിയിരുന്നു.
മകള് ടോയ്ലറ്റിനുള്ളില് മരിച്ചതായി കണ്ടെത്തിയെന്നും നിയമപരമായ ശിക്ഷ ഭയന്ന് അധികാരികളെ അറിയിച്ചില്ലെന്നും ആണ് യുവതി പറഞ്ഞത്. അതിനാലാണ് മൃതദേഹം സൂക്ഷിച്ചുവെച്ചത് എന്നും യുവതി പറഞ്ഞതായി കുവൈറ്റ് മാധ്യമമായ അല് അന്ബ റിപ്പോര്ട്ട് ചെയ്യുന്നു.