ഒമാനില്‍ പാചകവാതക സിലിണ്ടര്‍ പൊട്ടിത്തെറിച്ച്‌ എട്ടുപേര്‍ക്ക് പരിക്കേറ്റു. മസ്കത്ത് ഗവര്‍ണറേറ്റിലെ സീബ് വിലായത്തിലാണ് സംഭവം. പരിക്കേറ്റ ചിലരുടെ നില ഗുരുതരമാണ്. സിവില്‍ ഡിഫന്‍സ് ആന്‍ഡ് ആംബുലന്‍സ് അതോറിറ്റിയിലെ ജീവനക്കാര്‍ സ്ഥലത്തെത്തി സ്ഥിതിഗതികള്‍ നിയന്ത്രണവിധേയമാക്കി.
പ്രാഥമിക ചികിത്സ ലഭ്യമാക്കിയ ശേഷം ചിലരെ ആശുപത്രിയിലേക്ക് മാറ്റുകയും ചെയ്തു. സ്ഫോടനത്തിന്‍റെ ആഘാതത്തില്‍ റസ്റ്റാറന്റിന്‍റെ ചുമരിന്‍റെ ഒരുഭാഗം പൂര്‍ണമായും തകര്‍ന്നു.
അതേസമയം, അപകടത്തിന്‍റെ കാരണവും പരിക്കേറ്റവരെ കുറിച്ചും മറ്റുമുള്ള വിവരങ്ങള്‍ ലഭ്യമായിട്ടില്ല. പാചകവാതകമടക്കമുള്ള കാര്യങ്ങള്‍ കൈകാര്യം ചെയ്യുമ്ബോള്‍ സുരക്ഷ നിര്‍ദേശങ്ങള്‍ പാലിക്കാന്‍ എല്ലാവരും തയാറാകണമെന്ന് അധികൃതര്‍ ആവശ്യപ്പെട്ടു.
