ലോകകപ്പ് ഫുട്ബോള് ആരവങ്ങള്ക്ക് ആവേശം പകര്ന്ന് ഒമാന് കണ്വെന്ഷന് ആന്ഡ് എക്സിബിഷന് സെന്ററില് ഫാന്സ് ഫെസ്റ്റിവലിന് തുടക്കമായി. അടുത്തമാസം18 വരെ നീണ്ടുനില്ക്കുന്ന ഫാന്സ് ഫെസ്റ്റിവലില് വൈവിധ്യങ്ങളായ പരിപാടികളാണ് ആരാധകര്ക്കും വിനോദ സഞ്ചാരികള്ക്കുമായി അധികൃതര് ഒരുക്കിയിട്ടുള്ളത്. ഒ.സി.ഇ.സിയുടെ ഗാള്ഡനില് നടക്കുന്ന ഫെസ്റ്റിവലില് എല്ലാ ലോകകപ്പ് മത്സരങ്ങളും തത്സമയം സംപ്രേഷണം ചെയ്യും.
ഒമാന് കണ്വെന്ഷന് ആന്ഡ് എക്സിബിഷന് സെന്റര് ഗാര്ഡനിലെ 9000 ചതുരശ്രമീറ്റര് വിസ്തീര്ണത്തില് വരുന്ന സ്ഥലമാണ് ഫുട്ബോള് ഫാന്സ് ഫെസ്റ്റിവലിനായി നീക്കിവച്ചിട്ടുള്ളത്. ഫെസ്റ്റിവലിന്റെ ഭാഗമായുള്ള വൈവിധ്യമാര്ന്ന ഇന്ററാക്ടീവ് ഗെയിമുകള്, ഫുട്ബോള് മത്സരങ്ങള്, പ്രാദേശികവും അന്തര്ദേശീയവുമായ ഭക്ഷണപാനീയ ഔട്ട്ലെറ്റുകള് കുട്ടികളേയും മുതിര്ന്നവരേയും ആകര്ഷിക്കുന്നതാണ്. പ്രവേശന ഫീസായി രണ്ട് റിയാലാണ് ഈടാക്കുന്നത്.