കുവൈത്തില്‍ ഗതാഗത നിയന്ത്രണത്തിന് പുതിയ സ്മാര്‍ട്ട് കാമറകള്‍ സ്ഥാപിച്ചു. ഗതാഗത സുരക്ഷ വര്‍ധിപ്പിക്കാനും ഡ്രൈവര്‍മാരെ ബോധവാന്‍മാരാക്കാനും കാമറകള്‍ സഹായകരമാകുമെന്ന് ആഭ്യന്തര മന്ത്രാലയം അറിയിച്ചു.
അമിത വേഗത പോലുള്ള കുറ്റകൃത്യങ്ങള്‍ കണ്ടെത്തുന്നതിന് വേണ്ടി സ്ഥാപിച്ച കാമറകള്‍ക്ക് പുറമെയാണ് റോഡ് നിരീക്ഷണത്തിനായി കൂടുതല്‍ സ്മാര്‍ട്ട് കാമറകള്‍ സ്ഥാപിച്ചത്. മന്ത്രാലയത്തിന്റെ ഓപ്പറേഷന്‍ റൂമുമായി കാമറകള്‍ ബന്ധിപ്പിച്ചിട്ടുണ്ട്. ഡ്രൈവിങ്ങിനിടെയുള്ള മൊബൈല്‍ ഫോണ്‍ ഉപയോഗം കണ്ടെത്താന്‍ ഈ കാമറകള്‍ കൊണ്ട് കഴിയുമെന്ന് ആഭ്യന്തര മന്ത്രാലയം റിലേഷന്‍സ് ആന്‍ഡ് സെക്യൂരിറ്റി ഇന്‍ഫര്‍മേഷന്‍ ഡയരക്ടര്‍ ജനറല്‍ തൗഹീദ് അല്‍ കന്ദറി അറിയിച്ചു.
