ഉല്പ്പന്നങ്ങളില് ഫോട്ടോകളോ രാജ്യ ചിഹ്നങ്ങളോ ഉപയോഗിക്കുന്നതിനെതിരെ ശക്തമായ മുന്നറിയിപ്പുമായി കുവൈത്ത്. ആര്ട്ടിക്കിള് 16 പ്രകാരം അമീറിന്റെയോ കിരീടാവകാശിയുടയോ രാജ്യ ചിഹ്നങ്ങളുടയോ ഫോട്ടോകള് ഏതെങ്കിലും ഉല്പ്പന്നങ്ങളില് പതിക്കുന്നതും, വില്ക്കുന്നതും, വിപണനം ചെയ്യുന്നതും നിയമ വിരുദ്ധമാണെന്ന് വാണിജ്യ മന്ത്രാലയം അണ്ടര്സെക്രട്ടറി മുഹമ്മദ് അല് ഇനേസി വ്യക്തമാക്കി.
ഇത്തരത്തില് നിയമ ലംഘനം നടത്തുന്നവരെ പിടികൂടുവാന് കടകളും മാളുകളും കേന്ദ്രീകരിച്ച് രാജ്യത്തിന്റെ വിവിധ ഭാഗങ്ങളില് പരിശോധന സംഘങ്ങളെ നിയോഗിച്ചതായി അധികൃതര് അറിയിച്ചു.