ഒമാന്: പ്രേക്ഷകര്ക്ക് ഏറെ സുപരിചിതനായ താരമാണ് ബിനു അടിമാലി. വര്ഷങ്ങള് കൊണ്ട് മിമിക്രി രംഗത്ത് സജീവമായ താരം വൊഡാഫോണ് കോമഡി സ്റ്റേഴ്സില് കൂടി ആണ് പ്രേക്ഷകര്ക്ക് മുന്നില് എത്തുന്നത്. ഫ്ളവേഴ്സ് ചാനലില് സംപ്രേക്ഷണം ചെയ്യുന്ന സ്റ്റാര് മാജിക്കിലും താരം പങ്കെടുക്കുകയാണ്. കൂടാതെ സിനിമകളിലും താരം അഭിനയിച്ചിട്ടുണ്ട്.
ഇപ്പോഴിതാ ഒരു വിദേശ പരിപാടിക്കിടെ ബിനു അടിമാലിയേയും സംഘത്തെയും അപമാനിച്ച വീഡിയോയാണ് സോഷ്യല് മീഡിയയില് ശ്രദ്ധ നേടുന്നത്. ബിനു അടിമാലി, ഉല്ലാസ് പന്തളം തുടങ്ങിയവര് അടങ്ങിയ സംഘം വിദേശത്തു പരുപാടി അവതരിപ്പിച്ച് കൊണ്ടിരിക്കുകയായിരുന്നു. എന്നാല് ഇതിനിടയില് കാണികളില് പലരും കൂവുകയും ഇറങ്ങി പോകാന് പറയുകയും ആയിരുന്നു. കുറെ കഴിഞ്ഞപ്പോള് പരിപാടി നിര്ത്തിയിട്ട് എന്താണ് ചെയ്യേണ്ടത് എന്ന് ബിനു അടിമാലി കാണികളോട് ചോദിക്കുന്നതും വിഡിയോയില് കാണാം. ഒമാനില് വെച്ചായിരുന്നു പരിപാടി നടന്നത്.
കാണികളില് പലരും പരിപാടി നിര്ത്താന് ആവശ്യപ്പെടുന്നുണ്ട്. എന്നാല് പരിപാടി തുടരണമെങ്കില് നിങ്ങളുടെ പിന്തുണ വേണം എന്നും അത് കൊണ്ട് ഒന്ന് കൈ അടിച്ച് പ്രോത്സാഹിപ്പിക്കാനും ബിനു പറയുമ്ബോള് വേദിയില് ഒരുകൂട്ടം കാണികള് കയ്യടിച്ച് പ്രോത്സാഹിപ്പിക്കയും ഈ സംഘം പരിപാടി വീണ്ടും തുടരുന്നതും കാണാം.