യു എസില് കറുത്തവര്ഗക്കാര്ക്കെതിരായ അതിക്രമങ്ങള്ക്ക് ഇപ്പോഴും കുറവില്ലെന്ന് വ്യക്തമാക്കുന്ന പുതിയ ദൃശ്യങ്ങള് പുറത്ത്. ടയര് നിക്കോള്സ് എന്ന 29കാരനെ പൊലീസ് സംഘം ആക്രമിച്ച ദൃശ്യങ്ങള് ആണ് പുറത്ത് വന്നത്. മെംഫിസ് പൊലീസാണ് ദൃശ്യങ്ങള് പുറത്തുവിട്ടത്. പൊലീസിന്റെ ക്രൂരമായ മര്ദ്ദനത്തെ തുടര്ന്നാണ് നിക്കോള്സ് മരിച്ചത്. സംഭവവുമായി ബന്ധപ്പെട്ട് അഞ്ച് പൊലീസുകാര്ക്കെതിരെ നടപടിയെടുത്തതിന് പിന്നാലെയാണ് വീഡിയോ പുറത്തുവിട്ടത്.
നിക്കോള്സിനെ കാറില് നിന്ന് വലിച്ചിഴച്ച് വിവിധ രീതികളില് ക്രൂരമായി മര്ദ്ദിക്കുന്നതും വീഡിയോയില് കാണാം. ഇതിനിടയില്, അയാള് അമ്മേ എന്നുവിളിച്ച് അലറിക്കരയുന്നുണ്ട്, ഞാനൊന്നു വീട്ടില് പെയ്ക്കോട്ടെ എന്ന് യാചികുന്നുണ്ട്. എന്നാല് അവരുടെ ക്രൂരമായ വിനോദങ്ങളില് നിക്കോള്സിന് വേദനിക്കുന്നുവെന്ന് അറിയുന്നതില് അങ്ങേയറ്റം സന്തോഷിക്കുകയാണ് പൊലീസുകാര്. നിക്കോള്സിന്്റെ മരണത്തിന് ഉത്തരവാദികളായ പൊലീസുകാരെ അറസ്റ്റ് ചെയ്ത് ഒരു ദിവസത്തിനുശേഷമാണ് വീഡിയോ പുറത്തുവിട്ടത്. ജോര്ജ് ഫ്ലോയ്ഡ് എന്ന കറുത്ത വര്ഗ്ഗക്കാരനെ അമേരിക്കന് പൊലീസ് കൊലപ്പെടുത്തിയത് ലോകമെമ്ബാടുമുള്ള പ്രതിഷേധത്തിന് കാരണമായിരുന്നു.